Qyrǵyzstanda UQMK-nyń jemqorlyqqa qarsy baǵytyn basqarǵan sheneýnik qamaýǵa alyndy, dep habarlaidy Dalanews.kz.
Qyrǵyzstannyń Ulttyq qaýipsizdik jónindegi memlekettik komitetine qarasty asa mańyzdy istermen ainalysatyn altynshy bas basqarmanyń basshysy Tilek Ábdihalyqov ustaldy. Bishkek qalasynyń soty ony 15 sáýirge deiin qamaýda ustaýǵa sanktsiia berdi.
Sottyń málimetinshe, Ábdihalyqovqa «Jemqorlyq» baby boiynsha aiyp taǵylǵan.
Ashyq derekkózderde Tilek Ábdihalyqov týraly aqparat óte az. Buǵan deiin UQMK janyndaǵy jemqorlyqqa qarsy qyzmet taratylyp, bul baǵyttaǵy mindetter altynshy bas basqarmaǵa júktelgen bolatyn.
