قىرعىزستاندا ۇقمك-نىڭ جەمقورلىققا قارسى باعىتىن باسقارعان شەنەۋنىك قاماۋعا الىندى، دەپ حابارلايدى Dalanews.kz.
قىرعىزستاننىڭ ۇلتتىق قاۋىپسىزدىك جونىندەگى مەملەكەتتىك كوميتەتىنە قاراستى اسا ماڭىزدى ىستەرمەن اينالىساتىن التىنشى باس باسقارمانىڭ باسشىسى تىلەك ءابدىحالىقوۆ ۇستالدى. بىشكەك قالاسىنىڭ سوتى ونى 15 ساۋىرگە دەيىن قاماۋدا ۇستاۋعا سانكسيا بەردى.
سوتتىڭ مالىمەتىنشە، ءابدىحالىقوۆقا «جەمقورلىق» بابى بويىنشا ايىپ تاعىلعان.
اشىق دەرەككوزدەردە تىلەك ءابدىحالىقوۆ تۋرالى اقپارات وتە از. بۇعان دەيىن ۇقمك جانىنداعى جەمقورلىققا قارسى قىزمەت تاراتىلىپ، بۇل باعىتتاعى مىندەتتەر التىنشى باس باسقارماعا جۇكتەلگەن بولاتىن.
