Qyrǵyzstanda vebkam-stýdiialar jelisiniń negizin qalaýshy Daniel Ajiev koloniiadan shyqqannan keiin tikushaqpen ketpek bolǵan, dep habarlaidy Dalanews.kz.
Eldiń Tótenshe jaǵdailar ministrligi tikushaqtyń shynymen paidalanylǵanyn rastady. Alaida ony Ajievtiń ózi emes, basqa adam jalǵa alǵan. Ushý quny shamamen 1,5 mln teńge.
Keiin bul jaǵdaiǵa Qyrǵyzstan prezidenti Sadyr Japarov ta pikir bildirdi. Ol Ajievtiń raqymshylyq arqyly bosatylǵanyn rastady. Prezidenttiń aitýynsha, oǵan sottalǵan azamattyń anasy júginip, otbasyndaǵy aýyr jaǵdai týraly aityp, ulyn keshirýdi suraǵan.
«Ajievke qatysty jaǵdaiǵa qaita oralsaq, muny estigende men ózim de tańǵaldym. Eger anasy “bizde eshteńe qalmady” dep jylap kelgen bolsa, al onyń uly sol kezde tikushaq jalǵa alyp, túrmeden ushyp ketpek bolsa, onda men “meni aldaǵan eken” dep oiladym», – dedi ol.
Japarovtyń aitýynsha, tikushaq týraly bilgennen keiin bort keri burylǵan. Sonyń nátijesinde Ajiev úiine tikushaqpen emes, avtokólikpen ketken.
Eske salaiyq, 2024 jyldyń kúzinde Ajiev vebkam-stýdiialar uiymdastyrdy, pornografiia taratty jáne múliktik zalal keltirdi degen aiyppen 9 jylǵa bas bostandyǵynan aiyrylǵan bolatyn.
