Qyrǵyzstanda Memlekettik ulttyq qaýipsizdik komitetiniń jańa tóraǵasy taǵaiyndaldy, dep habarlaidy Dalanews.kz.
Qyrǵyzstan parlamenti Memlekettik ulttyq qaýipsizdik komiteti tóraǵasy qyzmetine Jumǵalbek Shabdanbekovtiń kandidatýrasyn maquldady. Ol bul laýazymǵa Qamshybek Táshievtiń ornyna usynyldy.
Kandidatýrany parlamentte prezidenttiń ókiletti ókili Bektýr Zýlpiev tanystyrdy. Depýtattar taǵaiyndaýdy biraýyzdan qoldady.
Jumǵalbek Shabdanbekov eńbek jolyn salyq qyzmetinde bastaǵan, al 1994 jyldan beri ulttyq qaýipsizdik organdarynda jumys isteidi. Ár jyldary basshylyq qyzmetter atqaryp, MUQK tóraǵasynyń orynbasary bolǵan.
10 aqpannan bastap ol vedomstvo basshysynyń mindetin ýaqytsha atqaryp kelgen.
Aita keteiik, 10 aqpanda Qyrǵyzstannyń Ministrler kabineti tóraǵasynyń orynbasary – Memlekettik ulttyq qaýipsizdik komitetiniń tóraǵasy Qamshybek Táshiev qyzmetinen bosatyldy.
