قىرعىزستان پارلامەنتى مەملەكەتتىك ۇلتتىق قاۋىپسىزدىك كوميتەتى ءتوراعاسى قىزمەتىنە جۇمعالبەك شابدانبەكوۆتىڭ كانديداتۋراسىن ماقۇلدادى. ول بۇل لاۋازىمعا قامشىبەك تاشييەۆتىڭ ورنىنا ۇسىنىلدى.
كانديداتۋرانى پارلامەنتتە پرەزيدەنتتىڭ وكىلەتتى وكىلى بەكتۋر زۋلپييەۆ تانىستىردى. دەپۋتاتتار تاعايىنداۋدى ءبىراۋىزدان قولدادى.
جۇمعالبەك شابدانبەكوۆ ەڭبەك جولىن سالىق قىزمەتىندە باستاعان، ال 1994 جىلدان بەرى ۇلتتىق قاۋىپسىزدىك ورگاندارىندا جۇمىس ىستەيدى. ءار جىلدارى باسشىلىق قىزمەتتەر اتقارىپ، مۇقك ءتوراعاسىنىڭ ورىنباسارى بولعان.
10 اقپاننان باستاپ ول ۆەدومستۆو باسشىسىنىڭ مىندەتىن ۋاقىتشا اتقارىپ كەلگەن.
ايتا كەتەيىك، 10 اقپاندا قىرعىزستاننىڭ مينيسترلەر كابينەتى ءتوراعاسىنىڭ ورىنباسارى – مەملەكەتتىك ۇلتتىق قاۋىپسىزدىك كوميتەتىنىڭ ءتوراعاسى قامشىبەك تاشييەۆ قىزمەتىنەن بوساتىلدى.
