Qyrǵyzstan soty jappai tártipsizdikterge qatysty qylmystyq is boiynsha burynǵy prezident Almazbek Atambaevtyń ulyn eki aiǵa qamaýǵa aldy, dep habarlaidy Dalanews.kz 24.kg saityna silteme jasap.
Bishkek qalasynyń sotynda jappai tártipsizdikterge qatysty qylmystyq is boiynsha kúdiktiler tobyna bultartpaý sharasyn ózgertý týraly tergeý tarapynyń ótinishi qaraldy. Aldymen sot tergeý ótinishin qanaǵattandyryp, Temirlan Sýltanbekov, Ermek Ermatov jáne Ýrmat Askarbekovty (Ýrmat Baryktabasov tegi ózgergen) qamaýǵa alý týraly sheshim shyǵardy. Olar 17 qańtarǵa deiin tergeý abaqtysyna qamaldy.
Sot sheshimimen 17 qańtarǵa deiin Qyrǵyzstannyń burynǵy prezidentiniń uly Kadyrbek Atambaev, sondai-aq Shailoobek Atazov pen Kýbanychbek Kadyrov ta qamaýǵa alyndy.
Eldiń burynǵy prezidentiniń uly aiyptyń aýyr túrge qaita qoiylǵanyn habarlady. Endi oǵan bilikti kúshpen qulatý áreketi taǵylǵan.
