Qyrǵyzstan biligi jynystyq zorlyq-zombylyq úshin jazany qatańdatýdy josparlap otyr, dep habarlaidy Dalanews.kz.
Elde balalar men áielderge qarsy aýyr qylmystar úshin ómir boiyna bas bostandyǵynan aiyrý engizilmek.
Qyrǵyzstanda balalar men áielderge qarsy jasalǵan aýyr qylmystar, sonyń ishinde pedofiliia men zorlaý arqyly jasalǵan kisi óltirý faktileri úshin ómir boiyna bas bostandyǵynan aiyrý jazasyn engizý kózdelgen zań jobasy talqylanyp jatyr. Tiisti zań jobasyn respýblika prezidenti Sadyr Japarovtiń ákimshiligi qoǵamdyq talqylaýǵa shyǵardy.
Bastamaǵa sáikes, Qyrǵyz Respýblikasynda pedofiliia jáne zorlaýmen ushtasqan kisi óltirý qylmystary úshin balamasyz jaza belgilenbek. Iaǵni, mundai ister boiynsha jaza merzimin jeńildetý nemese basqa jaza túrine aýystyrý múmkindigi bolmaidy. Sonymen qatar, zań jobasynda sottalǵandardyń múlkin tárkileý de qarastyrylǵan.
