«Qyrǵyzǵa táýeldilikten qutylamyz». Jańa joba sharaýlarǵa orasan zor múmkindik syilaidy
Bul týraly «Qazsýshar» RMK Jambyl oblystyq filialynyń direktory Qazybek Bedebaev «Qazsýshar» mekemesiniń áleýmettik jelidegi resmi paraqshasynda ótken tikelei efirde aitty.
– Jambyl oblysynda sý tapshylyǵy talai jyldan beri kún tártibinen túspei keledi. Eger bul máseleni túbegeili sheshý tek qarjyǵa ǵana bailanysty bolsa, sý tapshylyǵynan áldeqashan qutylar edik. Ókinishke orai, óńir transshekaralyq ózenderdiń sýyn paidalanatyn bolǵandyqtan munda kórshiles memleketke táýeldilik te bar. Dese de, osy máseleni sheshý úshin úsh sý qoimasyn salýdy josparlap otyrmyz. Tehnikalyq-ekonomikalyq negizdeme memlekettik saraptamanyń oń qorytyndysyn aldy. Endi salalyq ministrlik qajetti qarajatty bólse, qurylys jumystaryn bastaimyz, – deidi «Qazsýshar» RMK Jambyl oblystyq filialynyń direktory Qazybek Bedebaev.
Aita keteiik, qarjy máselesi sheshilse Qordai aýdanynda syiymdylyǵy 15,222 million tekshe metr bolatyn «Yrǵaity» sý qoimasynyń irgetasy qalanbaq. Sondai-aq, dál osy aýdanda syiymdylyǵy 14,6 million tekshe metrdi quraityn «Qalǵuty» sý qoimasy, Baizaq aýdanynda 11,107 million tekshe metr sý siiatyn «Aqmola» sý qoimasy salynady.
– Bul nysandardyń jalpy quny 14,9 milliard teńgege teń. Jańa sý qoimalary vegetatsiia kezinde kórshi memleketke aǵyn sýǵa táýeldilikti azaityp, oblys aýmaǵyndaǵy 34,5 myń gektar sýarmaly alqapty sýlandyrýǵa múmkindik beredi, – deidi Qazybek Bedebaev.
Búginde óńirde aýyl sharýashylyǵy daqyldary egilgen egistiktiń jalpy kólemi 200 myn gektardan asa quraidy. Al qaita jańǵyrtý jumystary aiasynda tozyǵy jetken gidrotehnikalyq nysandar qaita qalpyna keltiriledi. Oblystaǵy Baizaq, Jambyl, Jýaly, Qordai jáne Merki aýdandaryndaǵy sý sharýashylyǵy nysandaryna «Eýropa qaita qurý jáne damý banki» esebinen qaita jańǵyrtý jumystary júrgizilip jatyr. Búgingi tańda 31 joba boiynsha atalǵan jumystardyń merdigerleri anyqtalyp, qurylys jumystary qolǵa alynǵan .
– Jańǵyrtý jumystarynyń jalpy quny 21,5 milliard teńgeni quraidy. Jobanyń júzege asýymen 1388 shaqyrym bolatyn 310 nysan kúrdeli jóndeýden ótedi. Biylǵy jyldyń 5 mamyryna deiin 87 shaqyrymǵa jýyq kanaldy betonmen qaptaý jáne 189 shaqyrymdai kanalǵa mehanikalyq tazalaý jumystary júrgizildi, – dedi spiker.
Qaita jańǵyrtý jumystary aiaqtalǵannan keiin óńirde 51,271 myń gektar sýarmaly alqap qaita ainalymǵa enetin bolady.
