Qyrǵyzdar Qazaqstannan Ystyqkóldiń taǵdyryna qatysty kómek suramaq. Bul týraly Orda.kz jazdy, - dep habarlaidy Dalanews.kz.
Basylym málimetinshe, qyrǵyz ministrler kabinetiniń tóraǵasy Aqylbek Japarov parlamentte ýaqyt óte Ystyqkólden aiyrylyp qalý qaýpi bar ekenin aitqan. Ystyqkóldi qutqarý úshin qyrǵyz biligi Qazaqstan men Ózbekstannan kómek suraýdy josparlap otyr.
Málimetterge súiensek, keiingi birneshe jylda Ystyqkóldiń sý deńgeii burynǵydan shamamen bir metr tómendegen. "Buǵan aidynǵa quiatyn arnalardyń qurǵaýy sebep, - deidi mamandar.
Sonymen qatar, qýańshylyq kezeńi uzaryp, jaýyn-shashyn azaiyp, býlaný deńgeii arta túsken.
"Qarqyr jáne Kókkór ózenderi Ystyqkólge sý kelmeidi. Al ózennen joǵarǵy aǵys arqyly keletin sýdy sharýalar paidalanyp otyr. Óitkeni aýyl sharýashylyǵy qarqyndy damýda. Sondyqtan biz ǵalymdarmen birge jumys istep, kóldi qalai saqtaýǵa bolatynyn túsinýge tyrysyp jatyrmyz. Biz Aral teńiziniń taǵdyryn qaitalaǵymyz kelmeidi. Osy sebepti Qyrǵyzstan biligi Qazaqstan men Ózbekstanǵa kómekke júginýdi josparlap otyr", - deidi Qyrǵyzstan premer-ministri Aqylbek Japarov.
Úkimet ishki qajettilikterdi qamtamasyz etip, sý eksportyn azaitý úshin kelissózder júrgizýge nietti. Bul bastamany Ystyqkóldi qutqarýǵa arnalǵan halyqaralyq ǵylymi konferentsiiada talqylamaq.
