Sadyr Japarovty halyq zor yqylaspen qabyl aldy. Japarov eldiń bolashaǵyn qalai kóretinin aityp, parlament bir palataly bolady dedi.
Odan keiin minberden Sadyr Japarovty prezident etip taǵaiyndaý týraly usynystar aityldy.
2018 jyly 11 jylǵa sottalǵan eks-depýtat Sadyr Japarov ta demonstranttar tarapynan bostandyqqa shyqty.
Saiasatker birden alańǵa baryp, mitingke qatysýshylar aldynda sóz sóiledi. Ol ózin bosatqandarǵa alǵysyn jetkizdi.
“Men úsh jarym jyl túrmede otyrdym. Sizderdiń arqańyzda bostandyqqa shyqtym. Biz bir nárseni eske saqtaiyq: qyrǵyzbyz ba, oryspyz ba, ózbekpiz be, bárimiz bir elde turyp jatyrmyz! Bárin zań aiasynda shesheiik. Qazir taraýymyz kerek. Kúshpen eshteńe sheshpeimiz. Báribir zańsyz bolady”, – dedi eks-depýtat.
Aita ketsek, búgin Bishkektegi ereýilshiler Aq úi men ulttyq qaýipsizdik memlekettik komitetiniń ǵimaratyna basyp kirip, qamaýda otyrǵan burynǵy prezident Almazbek Atambaevty, eks-depýtat Sadyr Japarovty jáne basqa da saiasi tutqyndardy bosatyp aldy.
Al bas prokýror mindetin ýaqytsha atqarýshy bolǵanyn jetkizgen burynǵy depýtat Almambet Shykmamatov Raiymbek Matraimov, Iskender Matraimov jáne Tilek Matraimovtardy qamaýǵa alý týraly sanktsiia berilgenin habarlady. Sonymen qatar, Jogorký Kenesh depýtattarynyń sailaýyn burmalaýǵa qatysy bar barlyq tulǵalar qamaýǵa alynady, dedi ol.
Alǵashqy kadrlyq taǵaiyndaýlar boiynsha: ulttyq qaýipsizdik memlekettik komiteti basshysy mindetin atqarýshy Omýrbek Sývanaliev, Bishkek komendanty – Kýrsan Asanov.
