سادىر جاپاروۆتى حالىق زور ىقىلاسپەن قابىل الدى. جاپاروۆ ەلدٸڭ بولاشاعىن قالاي كٶرەتٸنٸن ايتىپ, پارلامەنت بٸر پالاتالى بولادى دەدٸ.
ودان كەيٸن مٸنبەردەن سادىر جاپاروۆتى پرەزيدەنت ەتٸپ تاعايىنداۋ تۋرالى ۇسىنىستار ايتىلدى.
2018 جىلى 11 جىلعا سوتتالعان ەكس-دەپۋتات سادىر جاپاروۆ تا دەمونسترانتتار تاراپىنان بوستاندىققا شىقتى.
ساياساتكەر بٸردەن الاڭعا بارىپ, ميتينگكە قاتىسۋشىلار الدىندا سٶز سٶيلەدٸ. ول ٶزٸن بوساتقاندارعا العىسىن جەتكٸزدٸ.
“مەن ٷش جارىم جىل تٷرمەدە وتىردىم. سٸزدەردٸڭ ارقاڭىزدا بوستاندىققا شىقتىم. بٸز بٸر نەرسەنٸ ەسكە ساقتايىق: قىرعىزبىز با, ورىسپىز با, ٶزبەكپٸز بە, بەرٸمٸز بٸر ەلدە تۇرىپ جاتىرمىز! بەرٸن زاڭ اياسىندا شەشەيٸك. قازٸر تاراۋىمىز كەرەك. كٷشپەن ەشتەڭە شەشپەيمٸز. بەرٸبٸر زاڭسىز بولادى”, – دەدٸ ەكس-دەپۋتات.
ايتا كەتسەك, بٷگٸن بٸشكەكتەگٸ ەرەۋٸلشٸلەر اق ٷي مەن ۇلتتىق قاۋٸپسٸزدٸك مەملەكەتتٸك كوميتەتٸنٸڭ عيماراتىنا باسىپ كٸرٸپ, قاماۋدا وتىرعان بۇرىنعى پرەزيدەنت المازبەك اتامباەۆتى, ەكس-دەپۋتات سادىر جاپاروۆتى جەنە باسقا دا ساياسي تۇتقىنداردى بوساتىپ الدى.
ال باس پروكۋرور مٸندەتٸن ۋاقىتشا اتقارۋشى بولعانىن جەتكٸزگەن بۇرىنعى دەپۋتات المامبەت شىكماماتوۆ رايىمبەك ماترايموۆ, يسكەندەر ماترايموۆ جەنە تيلەك ماترايموۆتاردى قاماۋعا الۋ تۋرالى سانكتسييا بەرٸلگەنٸن حابارلادى. سونىمەن قاتار, جوگوركۋ كەنەش دەپۋتاتتارىنىڭ سايلاۋىن بۇرمالاۋعا قاتىسى بار بارلىق تۇلعالار قاماۋعا الىنادى, دەدٸ ول.
العاشقى كادرلىق تاعايىنداۋلار بويىنشا: ۇلتتىق قاۋٸپسٸزدٸك مەملەكەتتٸك كوميتەتٸ باسشىسى مٸندەتٸن اتقارۋشى ومۋربەك سۋۆاناليەۆ, بٸشكەك كومەندانتى – كۋرسان اسانوۆ.
