– Jaǵdaıdy retteý úshin biz kelesi qadamdarǵa barýymyz kerek. Jogorký Keńeshke ótken saılaý nátıjesin joıý kerek. Jańadan parlament saılaýynyń ýaqytyn belgileýimiz kerek. Buǵan qatysty sheshimdi OSK qabyldaıdy, – dedi prezıdent.
Ol sonymen birge qazirgi úkimet basshysy men múshelerin otstavkaǵa jiberý kerek dedi.
– Jańa premer-mınıstrdi taǵaıyndap, úkimet quramyn jasaqtaýdy zańdy etý úshin Jogorký Keńeshtiń qaýlysy men prezıdent jarlyǵy kerek. Men tıisti jarlyqqa qol qoıýǵa daıynmyn. Jogorký Keńeshtiń qaýlysyn kútemin, – dedi memleket basshysy.
Ol Jogorký Keńesh depýtattary mindetin atqarý úshin quqyq qorǵaý organdarynyń ókilderi olardyń qaýipsizdigin qamtamasyz etýi tıis dep atap ótti.
– Men úshin memleket tutastyǵynan, halyq birliginen jáne qoǵam tynyshtyǵynan artyq laýazym joq. Bizge barynsha tezdetip zań jolyna túsýimiz kerek. Atqarýshy bıliktiń zańdy jetekshileri bekitilgennen keıin, men Qyrǵyzstan prezıdenti qyzmetimnen ketýge daıynmyn, – dedi Saýranbaı Jıenbekov.
5 qazanda parlament saılaýynyń nátıjesi jarıalanǵannan keıin Qyrǵyzstanda jappaı narazylyq sharasy bastaldy. Parlamentke ótpeı qalǵan opozısıalyq partıalardyń lıderleri men jaqtastary mıtıńke shyqty. Olar ákimshilik ǵımarattardy basyp alyp, túrmede otyrǵan birqatar saıasatkerlerdi bosatty. 6 qazanda Ortalyq saılak komısıasy saılaý nátıjesiniń kúshin joıdy.
Qyrǵyzstandaǵy birqatar saıası kúshter prezıdentke ımpıchment jarıalaý máselesin kóterip jatyr.
