Qyrǵyzstan depýtaty Aida Isatbekqyzy Astanada ótken kóshpendiler oiyndaryna qatysqan sportshylardyń muńyn aitty, - dep habarlaidy Dalanews.kz Ulysmedia.kz-ke siltep.
24.kg saitynyń jazýyna qaraǵanda, kórshi eldiń sportshylary kóshpendiler oiyndarynan laiyqty deńgeide kútip almaǵan eldiń sport ministrligine narazy.
Bizdiń 56 sportshy altyn, kúmis, qola júldeler ielendi. Alaida Mádeniet, aqparat, sport jáne jastar saiasaty ministrligi kóshpendiler oiyndarynyń qatysýshylaryna nazar aýdarǵan joq. Olardy kútip almady. Maǵan: "Bul Olimpiada bolmaǵanymen, búkilálemdik oiyndar. Bizdiń brend" dep aityp jatyr. Olar da jarysqa daiyndaldy, bizdiń týymyzdy kóterdi, abyroiymyzdy qorǵady. Nege laiyqty qurmetke ie bolmady? – dedi qyrǵyz depýtaty Aida Isatbekqyzy.
Eske salaiyq, buǵan deiin Dala inside derekkózi qazaq pen qyrǵyzdyń arasyndaǵy "kókpar daýy" Kremlge tiimdi ekenin aitqan bolatyn.
Kóshpendiler oiynynda oryn alǵan «kókpar daýynan» keiin soltústik kórshimizdiń saiasi tehnologtary bolashaq Turan túrki odaǵyn boldyrmaýdyń bir quraly retinde qazaq pen qyrǵyz arasyndaǵy máńgi daý týdyratyn taqyryptardy tańdap, olardy úzdiksiz qaýzap otyrý maqsatynda botofermalar men affirlengen aqparat quraldaryn paidalanýdy durys dep tapty.
«Kókpar, kok borýý, qazaq pen qyrǵyz bizdiki dep talasatyn ulttyq taǵamdar jáne Kenesary. Áleýmettik jelide birden júzdegen kommentariiler týdyratyn osy daýly taqyryptar feisbýk toptar men instagram pablikterde, tik-tok pen aqparat quraldaryna aragidik shyǵyp otyrmaq», - deidi DALA INSIDE derekkózi.
Resei Turan ideiasyna túpkilikti qarsy. Sebebi, óziniń yqpalynda otyrǵan Ortalyq Aziia memleketteri Ankaranyń geosaiasi keńistigine aýysyp ketedi degen qorqynyshy basym. Odan bólek, óziniń quramyndaǵy Tatarstan men Bashqurtstan syndy túrki memleketteri Turanǵa qarap boi túzei bastasa, federatsiianyń ydyrap ketý qaýpi bar.
Osy aptada Almaty marafondaǵy qyrǵyz sportshysy Ainýska Qalilqyzynyń diskvalifikatsiia alyp, júldeden qaǵylǵandyǵy týraly taqyryp jan-jaqty qaýzalatyn bolady. «Qyrǵyz atleti ereje buzdy» degen narazylyq belarýs delegatsiiasynyń tarapynan kelse de, ony qazaq tóreshileri ádeii jasady degen messedj «AkiPress», «Kaktýs Media» syndy resýrstarda keńinen jariialanbaq. Al Rossotrýdnichestvomen jumys isteitin qazaqstandyq orystildi blogerler kerisinshe «qaita-qaita jylai beredi» dep qyrǵyz ultyna til tigize bastaýy tiis. Osylaisha qazaq pen qyrǵyz arasynda aldymen áleýmettik jelilerde qoǵamdyq shielenisti ýshyqtyryp, artynan ony diplomatiialyq salqyndyq deńgeiine deiin kóterý kózdelgen.
Sonymen qatar, shtaby Peterborda ornalasqan saiasi tehnologtarǵa qazaq pen ózbek arasynda osyndai bir daý týdyryp kórý múmkindigin qarastyrý usynyldy. Boks, basqa da taqyryptar potentsialy zerttelýde. Basty maqsat - Turan ideiasyn paýzaǵa qoiyp, Túrki elderi ujymyndaǵy qyzyp kele jatqan jumystyń berekesin ketirý. Sebebi, latyn tilindegi ortaq túrki álippesiniń resmi qabyldanýy, jáne basqa da jobalardyń belsendi júrýi Kremldiń mazasyn qashyryp otyr.
Resei Turan Odaǵyn ydyrata ala ma? Eger túrki halyqtarynyń ishki birligi myqty bolsa ol jospary iske aspaityny anyq. Biraq Peterbordaǵy tehnologtar túbi bir ulttardy bir-birine qarsy qoiýǵa taptyrmaityn jalǵan popýlizm men psevdoultshyldyqty paidalanýdy meńgerip aldy. Onymen biraz bastamanyń aiaǵyn shalyp otyrýǵa bolady.
