قىرعىزستان دەپۋتاتى ايدا يساتبەكقىزى استانادا ٶتكەن كٶشپەندٸلەر ويىندارىنا قاتىسقان سپورتشىلاردىڭ مۇڭىن ايتتى, - دەپ حابارلايدى Dalanews.kz Ulysmedia.kz-كە سٸلتەپ.
24.kg سايتىنىڭ جازۋىنا قاراعاندا, كٶرشٸ ەلدٸڭ سپورتشىلارى كٶشپەندٸلەر ويىندارىنان لايىقتى دەڭگەيدە كٷتٸپ الماعان ەلدٸڭ سپورت مينيسترلٸگٸنە نارازى.
بٸزدٸڭ 56 سپورتشى التىن, كٷمٸس, قولا جٷلدەلەر يەلەندٸ. الايدا مەدەنيەت, اقپارات, سپورت جەنە جاستار ساياساتى مينيسترلٸگٸ كٶشپەندٸلەر ويىندارىنىڭ قاتىسۋشىلارىنا نازار اۋدارعان جوق. ولاردى كٷتٸپ المادى. ماعان: "بۇل وليمپيادا بولماعانىمەن, بٷكٸلەلەمدٸك ويىندار. بٸزدٸڭ برەند" دەپ ايتىپ جاتىر. ولار دا جارىسقا دايىندالدى, بٸزدٸڭ تۋىمىزدى كٶتەردٸ, ابىرويىمىزدى قورعادى. نەگە لايىقتى قۇرمەتكە يە بولمادى? – دەدٸ قىرعىز دەپۋتاتى ايدا يساتبەكقىزى.
ەسكە سالايىق, بۇعان دەيٸن Dala inside دەرەككٶزٸ قازاق پەن قىرعىزدىڭ اراسىنداعى "كٶكپار داۋى" كرەملگە تيٸمدٸ ەكەنٸن ايتقان بولاتىن.
كٶشپەندٸلەر ويىنىندا ورىن العان «كٶكپار داۋىنان» كەيٸن سولتٷستٸك كٶرشٸمٸزدٸڭ ساياسي تەحنولوگتارى بولاشاق تۇران تٷركٸ وداعىن بولدىرماۋدىڭ بٸر قۇرالى رەتٸندە قازاق پەن قىرعىز اراسىنداعى مەڭگٸ داۋ تۋدىراتىن تاقىرىپتاردى تاڭداپ, ولاردى ٷزدٸكسٸز قاۋزاپ وتىرۋ ماقساتىندا بوتوفەرمالار مەن اففيرلەنگەن اقپارات قۇرالدارىن پايدالانۋدى دۇرىس دەپ تاپتى.
«كٶكپار, كوك بورۋۋ, قازاق پەن قىرعىز بٸزدٸكٸ دەپ تالاساتىن ۇلتتىق تاعامدار جەنە كەنەسارى. ەلەۋمەتتٸك جەلٸدە بٸردەن جٷزدەگەن كوممەنتارييلەر تۋدىراتىن وسى داۋلى تاقىرىپتار فەيسبۋك توپتار مەن ينستاگرام پابليكتەردە, تيك-توك پەن اقپارات قۇرالدارىنا اراگٸدٸك شىعىپ وتىرماق», - دەيدٸ DALA INSIDE دەرەككٶزٸ.
رەسەي تۇران يدەياسىنا تٷپكٸلٸكتٸ قارسى. سەبەبٸ, ٶزٸنٸڭ ىقپالىندا وتىرعان ورتالىق ازييا مەملەكەتتەرٸ انكارانىڭ گەوساياسي كەڭٸستٸگٸنە اۋىسىپ كەتەدٸ دەگەن قورقىنىشى باسىم. ودان بٶلەك, ٶزٸنٸڭ قۇرامىنداعى تاتارستان مەن باشقۇرتستان سىندى تٷركٸ مەملەكەتتەرٸ تۇرانعا قاراپ بوي تٷزەي باستاسا, فەدەراتسييانىڭ ىدىراپ كەتۋ قاۋپٸ بار.
وسى اپتادا الماتى مارافونداعى قىرعىز سپورتشىسى اينۋسكا قاليلقىزىنىڭ ديسكۆاليفيكاتسييا الىپ, جٷلدەدەن قاعىلعاندىعى تۋرالى تاقىرىپ جان-جاقتى قاۋزالاتىن بولادى. «قىرعىز اتلەتٸ ەرەجە بۇزدى» دەگەن نارازىلىق بەلارۋس دەلەگاتسيياسىنىڭ تاراپىنان كەلسە دە, ونى قازاق تٶرەشٸلەرٸ ەدەيٸ جاسادى دەگەن مەسسەدج «اكيپرەسس», «كاكتۋس مەديا» سىندى رەسۋرستاردا كەڭٸنەن جارييالانباق. ال روسسوترۋدنيچەستۆومەن جۇمىس ٸستەيتٸن قازاقستاندىق ورىستٸلدٸ بلوگەرلەر كەرٸسٸنشە «قايتا-قايتا جىلاي بەرەدٸ» دەپ قىرعىز ۇلتىنا تٸل تيگٸزە باستاۋى تيٸس. وسىلايشا قازاق پەن قىرعىز اراسىندا الدىمەن ەلەۋمەتتٸك جەلٸلەردە قوعامدىق شيەلەنٸستٸ ۋشىقتىرىپ, ارتىنان ونى ديپلوماتييالىق سالقىندىق دەڭگەيٸنە دەيٸن كٶتەرۋ كٶزدەلگەن.
سونىمەن قاتار, شتابى پەتەربوردا ورنالاسقان ساياسي تەحنولوگتارعا قازاق پەن ٶزبەك اراسىندا وسىنداي بٸر داۋ تۋدىرىپ كٶرۋ مٷمكٸندٸگٸن قاراستىرۋ ۇسىنىلدى. بوكس, باسقا دا تاقىرىپتار پوتەنتسيالى زەرتتەلۋدە. باستى ماقسات - تۇران يدەياسىن پاۋزاعا قويىپ, تٷركٸ ەلدەرٸ ۇجىمىنداعى قىزىپ كەلە جاتقان جۇمىستىڭ بەرەكەسٸن كەتٸرۋ. سەبەبٸ, لاتىن تٸلٸندەگٸ ورتاق تٷركٸ ەلٸپپەسٸنٸڭ رەسمي قابىلدانۋى, جەنە باسقا دا جوبالاردىڭ بەلسەندٸ جٷرۋٸ كرەملدٸڭ مازاسىن قاشىرىپ وتىر.
رەسەي تۇران وداعىن ىدىراتا الا ما? ەگەر تٷركٸ حالىقتارىنىڭ ٸشكٸ بٸرلٸگٸ مىقتى بولسا ول جوسپارى ٸسكە اسپايتىنى انىق. بٸراق پەتەربورداعى تەحنولوگتار تٷبٸ بٸر ۇلتتاردى بٸر-بٸرٸنە قارسى قويۋعا تاپتىرمايتىن جالعان پوپۋليزم مەن پسەۆدوۇلتشىلدىقتى پايدالانۋدى مەڭگەرٸپ الدى. ونىمەن بٸراز باستامانىڭ اياعىن شالىپ وتىرۋعا بولادى.
