قازاقستان قۇراماسى جاپونييادا ٶتٸپ جاتقان ازيادا-2026 ويىندارىنىڭ العاشقى جارىس كٷنٸن تٶرت التىن جەنە ەكٸ قولا مەدالمەن اياقتادى, دەپ حابارلايدى dalanews.kz.
ەل قورجىنىنا ريناتا سۇلتانوۆا, الەكسەي لۋتسەنكو, جولامان بيگابىل جەنە سوفيا بەرۋلتسەۆا التىن, ارلان جاڭاباي مەن قازٸرگٸ بەسسايىستان ەرلەر قۇراماسى قولا جٷلدە سالدى, دەپ حابارلايدى Dala News.
العاشقى التىندى ۆەلوشاباندوز ريناتا سۇلتانوۆا جەڭٸپ الدى. ول ەيەلدەر اراسىنداعى جەكەلەي ۋاقىتقا جارىستا 36:23.72 نەتيجە كٶرسەتٸپ, مەرەگە بٸرٸنشٸ بولىپ جەتتٸ. قىتايلىق چجان حاو كٷمٸس, وڭتٷستٸك كورەيا ٶكٸلٸ سين دجيىن قولا مەدال يەلەندٸ. بۇل — قازاقستاننىڭ قازٸرگٸ ازياداداعى العاشقى التىنى.
«العاشقى التىن مەدالدٸڭ ورنى ەرقاشان ەرەكشە. بۇل جەڭٸس بٷكٸل ۇلتتىق قۇراماعا جاقسى سەرپٸن بەرەدٸ», — دەدٸ تۋريزم جەنە سپورت مينيسترٸ ەربول مىرزابوسىنوۆ.
ەكٸنشٸ التىندى قازاقستاندىق الەكسەي لۋتسەنكو تاسجولداعى جەكەلەي ۋاقىتقا جارىستا جەڭٸپ الدى. ول قاشىقتىقتى 41:24.05 ۋاقىتتا باعىندىردى. ەكٸنشٸ ورىن جاپونييالىق سيۋنسۋكە يمامۋراعا, ٷشٸنشٸ ورىن موڭعولييالىق جامباليامتس ساينبايارعا بۇيىردى.
بۇل لۋتسەنكونىڭ ازييا ويىندارىنداعى بەسٸنشٸ التىنى بولدى. ول جەكەلەي ۋاقىتقا جارىستا تٶرتٸنشٸ رەت قاتارىنان چەمپيون اتانىپ وتىر. بۇعان دەيٸن سپورتشى 2014, 2018 جەنە 2022 جىلدارداعى ازيادادا وسى ديستسيپلينادان توپ جارعان.
قازاقستاننىڭ ٷشٸنشٸ التىنىن كاراتەشٸ جولامان بيگابىل يەلەندٸ. 55 كەلٸگە دەيٸنگٸ سالماقتا ٶنەر كٶرسەتكەن سپورتشى فينالدا ٶزبەكستان ٶكٸلٸ حۋمويۋنميرزا حاليموۆتى 9:1 ەسەبٸمەن جەڭدٸ.
تاعى بٸر التىن مەدال سوفيا بەرۋلتسەۆانىڭ ەنشٸسٸندە. قازاقستاندىق كاراتەشٸ 68 كەلٸدەن جوعارى سالماقتا جەڭٸمپاز اتاندى. بۇل ونىڭ ازييا ويىندارىنداعى قاتارىنان ەكٸنشٸ التىنى. بۇعان دەيٸن بەرۋلتسەۆا حانچجوۋداعى ازيادادا دا وسى سالماقتا چەمپيون بولعان.
العاشقى قولا مەدالدٸ ترياتلونشى ارلان جاڭاباي جەڭٸپ الدى. ول ەرلەر اراسىنداعى جەكەلەي جارىستى 53:11 نەتيجەسٸمەن اياقتاپ, ٷشٸنشٸ ورىنعا جايعاستى. جاپونييالىق حودزيو تاكۋمي التىن, قىتاي ٶكٸلٸ چجان سيجۋي كٷمٸس مەدال الدى.
قازٸرگٸ بەسسايىستان قازاقستان ەرلەر قۇراماسى دا قولا جٷلدەگە يە بولدى. كوماندا ساپىندا تيحون ۆارەحين, تەمٸرلان ابدرايموۆ جەنە لەۆ چۋۆاشوۆ ٶنەر كٶرسەتتٸ. جەكە ەسەپتە ەڭ جوعارى نەتيجەنٸ ابدرايموۆ كٶرسەتٸپ, جەتٸنشٸ ورىن الدى. قازاقستان بۇل سپورت تٷرٸنەن ازيادا جٷلدەسٸنە 16 جىلدان كەيٸن قايتا ورالدى.
وسىلايشا, العاشقى جارىس كٷنٸنٸڭ قورىتىندىسى بويىنشا قازاقستان قۇراماسىنىڭ قورجىنىندا تٶرت التىن جەنە ەكٸ قولا — بارلىعى التى مەدال بار.
بٷگٸن قازاقستاندىق سپورتشىلار باسقا سپورت تٷرلەرٸنەن دە جارىستى جالعاستىردى. ەيەلدەر قۇراماسى سۋ دوبىنان العاشقى كەزدەسۋٸندە سينگاپۋردى 12:7 ەسەبٸمەن جەڭدٸ.
ايتي–ناگوياداعى XX جازعى ازييا ويىندارى 19 قىركٷيەك پەن 4 قازان ارالىعىندا ٶتەدٸ.
