Qazirginiń áielderi úide balamen otyrýǵa qinalady. Baiqaisyz ba, olardy únemi syrtqa qarai bir kúsh tartyp turatyndai. Nege? Nege bir toiǵa barý úshin balasyn bóten adamǵa baqtyryp ketedi? Nege áiel janyn sán men ósek jaýlap alǵan? Densaýlyq pen tálim berýdi oilamaidy da. Nege birinshi orynda otbasy turmaityn boldy?
Mundai nárselerden ózimizdi kórmeimiz. Otbasy, ana bolý, adaldyq, ózińdi qurban etý, názik qalybymyzdy kórsetýge uialatyn boldyq. Báriniń quny tústi. Maǵynasy joq. Nege?
Jumystan basqa sharýa joq. Besikten endi shyqqan balany balabaqshaǵa tastai sala, jumysqa asyǵamyz. Ondaǵy túsiniksiz tárbieshilerge mán bermeimiz. Ol sizdiń balańyzdy anasyndai jaqsy kóre almaidy ǵoi. Ol balanyń sanyna ǵana jaýap beredi. Kúndelikti konveierge kelgen qadaǵalaýshy ǵana. Sizdiń balańyzdyń janynda ne qaiǵy búrshik jarǵanyn da baiqamaidy. Oǵan báribir. Oǵan bar bala birdei bolýy kerek. Olardy basqasha igerý múmkin emes.
Oqy. Áitpese úi kútýshi bolyp qalasyń. Budan qorqynyshty úkim joq edi. Ǵylym igerýden artyq bailyq joq kóringen. Bastysy – diplom. Jaqsy jumys. Ataqqa bastaityn baspaldaq.
Biz de olardy bilmedik. Ýaqyt joq boldy. Balabaqsha, mektep, ýniversitet. Jumys. Jazda lager. Qysta erte jatý. Birge kitap oqý, oinaýǵa qol timeitin. Óstik.
Sondyqtan bizdiń sanamyzda otbasyǵa degen oryn eń sońynda turdy. Balany taný úshin, onymen oinaý kerek. Oinaý úshin, balańdy jaqsy kóre bilý mańyzdy. Kúnde asúiden shyqpai tátti pisirýdi de jaqsy kórý kerek. Oǵan ýaqyt kerek. Osyny eskerýden qaldyq. Ne isteseń de, bárin yqylaspen, súiip isteýiń kerek. Kúieýińdi túsiný úshin de onyń jan dúniesindegi muń men qaiǵyny sezý az, bilýiń kerek. Onyń keleshegine qam jeý úshin riiasyz súiýiń qajet. Kúieýdi súi. Onyń janyndaǵy ózińdi ǵana emes.
Ómirdegi basty ustaz
Jaqsy kórýdi qyzyna anasy sińiredi. Ol qyzynyń basty ustazy. Ómirlik baǵytty nusqaýshy. Ol súiýdi úiretedi. Onyń áielge tán róli sol. Áiel men ana bolýdyń qaǵidasyn úiretýshi. Eger qyzy anasyn kórmegen bolsa nemese súiýdi bilmeitin ananyń aqylymen ósse, qaitýy kerek?
Áiel zaty páktigi men mahabbatyn joǵaltqan zaman. Bizge ony saqtaýdy úiretpedi eshkim. Bizge erkektiń ǵana qyzmetin tartyp alýdy ǵana túsindirdi. Jetistik qana mańyzdy dep tyqpalady. Endi kelip, artymyzdaǵy órtengen kópirlerdi kórip jylaimyz. Óitkeni, áieldiń kóbi keri baǵytqa túsken. Kezinde bizdi bireý aldap ketkendei kúi keshemiz.
Amalyn tabý
Amalyn tabýǵa bolady, árine. Ana bolýǵa, áiel bolýǵa, jubai bolýǵa... Bárin óz tabiǵatyna sai meńgerýge bolady. Aqyryndap, baiaýlatyp. Ómirge basqa kózben qaraýǵa daǵdylanaiyq. Áiel kózimen, meiirimdi júrekpen qaraiyq. Súiýdi úireneiik... Kúni boiy jumys babyn emes, otbasy qamyn oilaiyq. Otbasymyzdy baǵalaýdy. Kúieýdi, balańdy, ózińdi jaqsy kór. Olarǵa qyzmet kórsetý, ózgeden artyq bolýyna úles qosý. Sonda áiel gúl siiaqty ashylady. Óitkeni onyń jany mahabbatpen ǵana jasaidy.
Balańyz ben kúieýge kúlip qaraýdy ádet etińiz. Olardy jii-jii qushaqtańyz. Ne nárseniń betine qaramai, tereńine úńileiik. Áiel otbasynyń yntymaǵyn quiatyn qalyp. Otbasynyń damýy, jetilýi, myqty bolýy sizge bailanysty. Balanyń balalyq shaqtan baqytty molyraq alǵany abzal. Ol sol baqytpen óz ómiriniń irgetasyn quiady. Bala kúninde alǵan mahabbatty ómirine azyq etedi.
Báriniń jemisin kóresiz. Kim ne kútedi? Bári adamnyń óz qolynda. Qandai baǵyt tańdap, qandai qundylyqty qunttaitynymyzdy ózimiz tańdaimyz. Ómirge ne bere alasyz? Óz otbasyńyzǵa she?
Aýdarǵan Shynar ÁBILDÁ
