Qarjylyq monitoring agenttigi zańsyz kásipkerlik qyzmet jáne qylmystyq jolmen alynǵan kiristerdi zańdastyrý faktileri boiynsha S.S. Koinov pen basqa da qatysy bar tulǵalarǵa qatysty tergeýdi aiaqtady, dep habarlaidy Dalanews.kz.
Eske salsaq, ótken jyldyń qyrkúiek aiynda komissiialyq dúken retinde jasyrynǵan iri lombardtar jelisi arqyly zańsyz mikrokredit berý shemasy anyqtalǵan bolatyn.
«Aktiv Lombard» jelisiniń iesi S.S. Koinov komissiialyq qyzmetti paidalana otyryp, jeke tulǵalarǵa jasyryn túrde mikrokredit berýdiń zańsyz shemasyn uiymdastyrdy degen kúdikke ilindi.
Qyzmetine zańdylyq sipat berý úshin S.S. Koinov materialdyq-tehnikalyq bazasy men ákimshilik resýrstary bar ózine baǵynysty «Aktiv Lombard» JShS-in paidalanyp, senimdi tulǵalardyń atyna tirkelgen jáne formaldy túrde komissiialyq saýdamen ainalysqan «One Billion Sales», «The Best Seller» jáne «Shark in Sales» JShS siiaqty bailanysy bar zańdy tulǵalar jelisin qurdy.
Atalǵan kompaniialar «Aktiv Market» biryńǵai brendimen áreket etip, is júzinde múlikti kepilge alyp, joǵary paiyzdyq mólsherlememen mikrokreditter berý úshin paidalanylǵan. Komissiialyq bólimsheler «Aktiv Lombard» JShS filialdarymen bir ǵimaratta ornalasqan, al klientterge qyzmet kórsetýdi birdei qyzmetkerler júzege asyrǵan.
Klienttermen jasalǵan komissiialyq sharttar formaldy jáne jalǵan sipatta bolǵan. Syiaqy mólsherlemesiniń ortasha deńgeii táýligine 1,73%-dan 2,07%-ǵa deiin jetip, belgilengen normadan (0,3%) 5 esege joǵary bolǵan, bul azamattardyń quqyqtarynyń eleýli buzylýyna ákelgen.
Nátijesinde 1,9 mln-nan astam shart jasalyp, qylmystyq kiris kólemi 19 mlrd teńgeden asqan.
Tergeý materialdaryna sáikes, qylmystyq kiristerdiń shyǵý kózin jasyrý maqsatynda S.S. Koinov olardy zańdastyrýdyń kóp deńgeili shemasyn ázirlep, iske asyrǵan.
Ol úshin bailanysy bar kompaniialarmen jasalǵan jalǵan sharttar, sondai-aq banktik shottar arasynda aqshany birneshe ret aýdarý arqyly keiinnen dividend túrinde shyǵarý paidalanylǵan. Osy tásilmen 5 mlrd teńgeden astam qarajat shyǵarylǵan.
Sonymen qatar, S.S. Koinov baǵdarlamalyq qamtamasyz etý ázirleý salasynda formaldy túrde qyzmet kórsetken «Zeus Co» JShS-in tirkegen. Baǵdarlamalyq qamtamasyz etýdi engizý jáne súiemeldeý qyzmetteri kórsetildi degen jeleýmen bailanysy bar kompaniialarmen quny asyra kórsetilgen sharttar jasalyp, nátijesinde «Zeus Co» JShS shottaryna 2,5 mlrd teńge túsken, onyń 2,2 mlrd teńgesi S.S.Koinovqa dividend túrinde aýdarylǵan.
Sot sanktsiiasymen konfiskatsiialaý maqsatynda jalpy quny 8,9 mlrd teńge bolatyn jyljymaly jáne jyljymaityn múlikke, jarǵylyq kapitaldaǵy úlesterge jáne zergerlik buiymdarǵa tyiym salyndy.
Tyiym salynǵan múlik qatarynda: elordadaǵy 4 páter jáne 2 turǵyn úi, BAÁ-degi 4 apartament, 6 avtokólik, onyń ishinde Lexus LX 600, Rolls Royce Cullinan, Mercedes-Benz G63, Bentley Bentayga V8, Land Rover Range Rover Sport, sondai-aq depozittik shottardaǵy 2,7 mlrd teńge kólemindegi aqshalai qarajat bar.
S.S. Koinov qamaýǵa alyndy. Onyń tórt sybailasyna qatysty elden shyqpaý jáne tiisti minez-qulyq týraly qolhat túrindegi bultartpaý sharasy qoldanyldy.
Qazaqstan Respýblikasy QPK 201-babyna sáikes ózge aqparat jariia etilmeidi.
