Basylym málimetinshe, quny 1,15 million som turatyn 2019 jylǵy Kia Rio X-Line jáne quny 25,5 million som turatyn Mercedes-Benz avtokóligi memlekettik organdarǵa berilgen. Avtokólikterdi uiymdasqan qylmystyq toptyń múshesi bolǵan Kólbaevtyń otbasy bergen.
"Kia Rio X-Line Ulttyq qaýipsizdik Memlekettik komitetine, al Mercedes-Benz S600 Prezident pen Ministrler Kabinetiniń basqarmalaryna berildi", - delingen habarlamada.
Qamshybek Kólbaevtyń taǵy tórt avtokóligi aýktsionǵa qoiylǵan.
Aita keteiik, Qamshybek Kólbaev (Kamchibek Kolbaev) - Qyrǵyzstandaǵy uiymdasqan qylmystyq toptyń jetekshisi. Kólbaev uzaq jyl boiy taǵy bir UQT jetekshisi Rysbek Akmatbaevtyń kómekshisi bolǵan. Alaida olar 1990-jyldary ekige ketken. Sol jyldary Aktambaev Kólbaevtyń kásibin tartyp alǵan degen qaýeset te taraǵan.
2000 jyly Aktambaevty óltirýge áreket jasalǵan. Onyń qasyndaǵy eki adam da óli tabyldy, UQT jetekshisiniń ózi jaraqattanǵan. Aktambaevty óltirýge áreket jasaǵan degen kúdikke Kólbaev ilingen. Osylaisha Kólbaev 25 jylǵa sottalǵan. Biraq ol bul merzim boiynsha túrmede sońyna deiin otyrǵan joq.
Byltyr 4 qarashada Bishkektegi arnaiy operatsiia kezinde qylmys áleminiń serkesi Qamshybek Kólbaev ustalǵan bolatyn. Bul kórshi elde qyzý talqyǵa túsken jait boldy. Kólbaev arnaiy operatsiia kezinde ustaý barysynda óltirilgen bolatyn.
