Almaty prokýratýrasy «QazMunaiGaz» ben Nursultan Nazarbaev bilim berý qoryn sotqa bergen bolatyn. Prokýrorlar Qazaqstan-Britan tehnikalyq ýniversitetin (QBTÝ) satýdy zańsyz dep tanýdy talap etýde, dep habarlaidy Dalanews.kz.
Protenge telegram-arnasynyń málimetinshe, QMG joǵary oqý ornyn qorǵa 2018 jyly satyp jibergen. Qordyń úsh menshik iesi bar. Olardyń arasynda burynǵy prezidenttiń qyzy Dinara Qulybaeva da bar.
2023 jyly 7 aqpanda JOO-nyń basty ǵimaraty turǵan jerdi jalǵa alý merzimi aiaqtalǵan. QBTÝ bul jerdi memleketten jalǵa alyp kelgen.
QBTÝ jalǵa alý merzimin uzartý týraly ótinish bergenimen, 2023 jylǵy maýsymda Jer komissiiasy budan bas tartqan.
"2023 jyly 14 shildedegi Almaty qalalyq ákimdiginiń № 3/370-417 qaýlysy da qabyldanǵan", - delingen Almaty qalasy Jer qatynastary basqarmasynyń telegram-arnaǵa bergen málimetinde.
Alaida sheneýnikter bul qarar jaily aqparat bermegen. Onyń ústine, bul qujat jalpyǵa qoljetimdi emes. Osy tusta, arna qarardyń QBTÝ-ǵa qalai qaýip tóndiretinin túsindirip berýine qatysty saýal joldady.
