الماتى پروكۋراتۋراسى «قازمۇنايگاز» بەن نۇرسۇلتان نازاربايەۆ ءبىلىم بەرۋ قورىن سوتقا بەرگەن بولاتىن. پروكۋرورلار قازاقستان-بريتان تەحنيكالىق ۋنيۆەرسيتەتىن (قبتۋ) ساتۋدى زاڭسىز دەپ تانۋدى تالاپ ەتۋدە، دەپ حابارلايدى Dalanews.kz.
Protenge تەلەگرام-ارناسىنىڭ مالىمەتىنشە، قمگ جوعارى وقۋ ورنىن قورعا 2018 جىلى ساتىپ جىبەرگەن. قوردىڭ ءۇش مەنشىك يەسى بار. ولاردىڭ اراسىندا بۇرىنعى پرەزيدەنتتىڭ قىزى دينارا قۇلىبايەۆا دا بار.
2023 جىلى 7 اقپاندا جوو-نىڭ باستى عيماراتى تۇرعان جەردى جالعا الۋ مەرزىمى اياقتالعان. قبتۋ بۇل جەردى مەملەكەتتەن جالعا الىپ كەلگەن.
قبتۋ جالعا الۋ مەرزىمىن ۇزارتۋ تۋرالى ءوتىنىش بەرگەنىمەن، 2023 جىلعى ماۋسىمدا جەر كوميسسياسى بۇدان باس تارتقان.
"2023 جىلى 14 شىلدەدەگى الماتى قالالىق اكىمدىگىنىڭ № 3/370-417 قاۋلىسى دا قابىلدانعان"، - دەلىنگەن الماتى قالاسى جەر قاتىناستارى باسقارماسىنىڭ تەلەگرام-ارناعا بەرگەن مالىمەتىندە.
الايدا شەنەۋنىكتەر بۇل قارار جايلى اقپارات بەرمەگەن. ونىڭ ۇستىنە، بۇل قۇجات جالپىعا قولجەتىمدى ەمەس. وسى تۇستا، ارنا قاراردىڭ قبتۋ-عا قالاي ءقاۋىپ توندىرەتىنىن ءتۇسىندىرىپ بەرۋىنە قاتىستى ساۋال جولدادى.
