QazUÝ ulttyq reitingte kósh bastady
Bul reiting akademiialyq statistikalyq kórsetkishterdi taldaý, sarapshylardy baǵalaý jáne jumys berýshilerge saýalnama júrgizý negizinde jasalady. QazUÝ barlyq kórsetkishter boiynsha eń joǵary ball jinap, ýniversitettiń joǵary básekege qabilettiligin taǵy da dáleldedi.
IQAA Ranking joǵary oqý oryndarynyń reitingi Shanhai men Bratislavadaǵy Akademiialyq reitingter men artyqshylyq boiynsha halyqaralyq observatoriianyń (IREG) konferentsiialarynda joǵary bilim berý salasyndaǵy halyqaralyq sarapshylar maquldaǵan ádisteme negizinde júrgiziledi. Sondai-aq «Higher Education in Europe» (London) jáne «Journal of Higher Education» (Shanhai) ǵylymi jýrnaldarynda jariialandy.
Ulttyq institýtsionaldyq reiting – IQAA Ranking qazaqstandyq joǵary oqý oryndaryna óz ustanymdaryn aiqyndaýǵa, bilim berý qyzmetteriniń básekege qabilettilik deńgeiin baǵalaýǵa, joǵary oqý ornynyń sapaly jumysyna járdemdesýge jáne eń bastysy, bilim alýshylardy kóbirek tartýǵa jáne jumys berýshiler úshin qyzyǵýshylyq aiasyn keńeitýge múmkindik beredi.
Qazaqstandyq joǵary oqý oryndary reitinginiń nátijeleri https://iqaa-ranking.kz/ resmi saitynda jáne «Kazahstanskaia pravda» gazetinde jariialandy.
