بۇل رەيتينگ اكادەميالىق ستاتيستيكالىق كورسەتكىشتەردى تالداۋ، ساراپشىلاردى باعالاۋ جانە جۇمىس بەرۋشىلەرگە ساۋالناما جۇرگىزۋ نەگىزىندە جاسالادى. قازۇۋ بارلىق كورسەتكىشتەر بويىنشا ەڭ جوعارى بالل جيناپ، ۋنيۆەرسيتەتتىڭ جوعارى باسەكەگە قابىلەتتىلىگىن تاعى دا دالەلدەدى.
IQAA Ranking جوعارى وقۋ ورىندارىنىڭ رەيتينگى شانحاي مەن براتيسلاۆاداعى اكادەميالىق رەيتينگتەر مەن ارتىقشىلىق بويىنشا حالىقارالىق وبسەرۆاتوريانىڭ (IREG) كونفەرەنسيالارىندا جوعارى ءبىلىم بەرۋ سالاسىنداعى حالىقارالىق ساراپشىلار ماقۇلداعان ادىستەمە نەگىزىندە جۇرگىزىلەدى. سونداي-اق «Higher Education in Europe» (لوندون) جانە «Journal of Higher Education» (شانحاي) عىلىمي جۋرنالدارىندا جاريالاندى.
ۇلتتىق ينستيتۋسيونالدىق رەيتينگ – IQAA Ranking قازاقستاندىق جوعارى وقۋ ورىندارىنا ءوز ۇستانىمدارىن ايقىنداۋعا، ءبىلىم بەرۋ قىزمەتتەرىنىڭ باسەكەگە قابىلەتتىلىك دەڭگەيىن باعالاۋعا، جوعارى وقۋ ورنىنىڭ ساپالى جۇمىسىنا جاردەمدەسۋگە جانە ەڭ باستىسى، ءبىلىم الۋشىلاردى كوبىرەك تارتۋعا جانە جۇمىس بەرۋشىلەر ءۇشىن قىزىعۋشىلىق اياسىن كەڭەيتۋگە مۇمكىندىك بەرەدى.
قازاقستاندىق جوعارى وقۋ ورىندارى رەيتينگىنىڭ ناتيجەلەرى https://iqaa-ranking.kz/ رەسمي سايتىندا جانە «كازاحستانسكايا پراۆدا» گازەتىندە جاريالاندى.
