Ál-Farabi atyndaǵy Qazaq ulttyq ýniversitetiniń oqytýshy-professorlary men qyzmetkerleri tabiǵi apat oryn alǵan sátte bir kúndik jalaqysyn aýdardy.
Bilim ordasynda Rektor Janseiit Qanseiituly Túimebaevtyń bastamasymen jinalǵan qarajat 40 mln teńgeni quraidy.
Buǵan qosa, kóshbasshy ýniversitet arnaiy gýmanitarlyq kómek berý ortalyǵyn ashty.
Járdem qabyldaý pýnktinde eriktiler qoldaýymen kiiz úiler, kórpe-jastyqtar, qalyń tósenishter, karemattar, eresekter men balalar kiimderi jinaldy. Sonymen qatar qol shamdary, generatorlar, termostar men jylytý peshteri tapsyrylýda.
Jóneltiletin júk arnaiy reispen jýyq arada jiberiledi.
https://youtu.be/KjrUvZZmWsk
