– Biz QazUÝ-da birge oqimyz. Sabaq saǵat 16.00-de aiaqtaldy. Meniń ápkem Móldir Erjanova ýniversitetten shyǵyp, aialdama jaqqa qarai júrdi. Sonda onyń ústine aǵash qulap ketti. Kýágerler ápkemniń jaǵdaiyn kórip, jedel járdem shaqyrdy. Móldir Qalqamandaǵy 7-shi aýrýhanaǵa jetkizildi. Jaǵdaiy aýyr, ota jasatý kerek shyǵar. Ápkem esin joǵaltqan joq. Ol osymen ekinshi táýlik uiyqtaǵan joq. Oǵan komaǵa túspes úshin uiyqtamaý kerek dep aitqan eken, – dedi Zere Jumaǵalieva.
Týystarynyń aitýynsha, qyz geografiia fakýltetiniń ekinshi kýrsynda oqidy.
Osy máselege bailanysty Tengrinews.kz saityna Bostandyq aýdanynyń ákimi apparatynyń abattandyrý bóliminiń jetekshisi Renat Seidramanov túsinik berip, stýdent qyzǵa qulap ketken aǵash jasyl ári saý bolǵan aitqan.
– Biz oqiǵa ornyna bardyq, qarap shyqtyq. Aǵashtyń butaǵy qulaǵan, ol jasyl ári saý bolǵan. Ólgen aǵash bolsa, jaýapty tulǵalardy jazalaý máselesi qaralar edi. Biraq munda jaǵdai basqasha. Bul tabiǵi qubylys (...) Aǵash jasyl, sondyqtan bulai bolý sebebin bilmeimiz. Qyzdyń jaǵdaiyn bilemiz, saýyǵyp ketsin dep tileimiz, – dedi ákimdik qyzmetkeri.
