– ءبىز قازۇۋ-دا بىرگە وقيمىز. ساباق ساعات 16.00-دە اياقتالدى. مەنىڭ اپكەم ءمولدىر ەرجانوۆا ۋنيۆەرسيتەتتەن شىعىپ، ايالداما جاققا قاراي ءجۇردى. سوندا ونىڭ ۇستىنە اعاش قۇلاپ كەتتى. كۋاگەرلەر اپكەمنىڭ جاعدايىن كورىپ، جەدەل جاردەم شاقىردى. ءمولدىر قالقامانداعى 7ء-شى اۋرۋحاناعا جەتكىزىلدى. جاعدايى اۋىر، وتا جاساتۋ كەرەك شىعار. اپكەم ەسىن جوعالتقان جوق. ول وسىمەن ەكىنشى تاۋلىك ۇيىقتاعان جوق. وعان كوماعا تۇسپەس ءۇشىن ۇيىقتاماۋ كەرەك دەپ ايتقان ەكەن، – دەدى زەرە جۇماعالييەۆا.
تۋىستارىنىڭ ايتۋىنشا، قىز گەوگرافيا فاكۋلتەتىنىڭ ەكىنشى كۋرسىندا وقيدى.
كلينيكاداعى دارىگەرلەر زارداپ شەككەن قىزدىڭ دەنساۋلىعى جايلى ايتىپ بەردى. «ناۋقاستىڭ جاعدايى اۋىر، وتا جاساۋ ماسەلەسىن تالقىلاپ جاتىرمىز. دارىگەرلەر ونىڭ جاعدايىن باقىلايدى. قىز جابىق باسسۇيەك مي زاقىمىن العان، ساماي سۇيەگى سىنعان»، – دەپ حابارلادى №7 اۋرۋحاناداعى №2 نەيروحيرۋرگيا ءبولىمىنىڭ ورىنباسارى يلدار كۇرمانوۆ.
وسى ماسەلەگە بايلانىستى Tengrinews.kz سايتىنا بوستاندىق اۋدانىنىڭ اكىمى اپپاراتىنىڭ اباتتاندىرۋ ءبولىمىنىڭ جەتەكشىسى رەنات سەيدرامانوۆ تۇسىنىك بەرىپ، ستۋدەنت قىزعا قۇلاپ كەتكەن اعاش جاسىل ءارى ساۋ بولعان ايتقان.
– ءبىز وقيعا ورنىنا باردىق، قاراپ شىقتىق. اعاشتىڭ بۇتاعى قۇلاعان، ول جاسىل ءارى ساۋ بولعان. ولگەن اعاش بولسا، جاۋاپتى تۇلعالاردى جازالاۋ ماسەلەسى قارالار ەدى. ءبىراق مۇندا جاعداي باسقاشا. بۇل تابيعي قۇبىلىس (...) اعاش جاسىل، سوندىقتان بۇلاي بولۋ سەبەبىن بىلمەيمىز. قىزدىڭ جاعدايىن بىلەمىز، ساۋىعىپ كەتسىن دەپ تىلەيمىز، – دەدى اكىمدىك قىزمەتكەرى.
