Ál-Farabı atyndaǵy QazUÝ «Academic Ranking of World Universities-European Standard» («ARES») atty bedeldi eýropalyq reıtıńisi boıynsha Qazaqstannyń joǵary oqý oryndarynyń arasynda kóshbasshy boldy. Ol óziniń «AA» kórsetkishteri boıynsha eýropalyq jetekshi ýnıversıtetterdiń qataryna kirip, «A+» jáne odan tómen baǵalarǵa ıe bolǵan basqa qazaqstandyq JOO-dyń anaǵurlym aldynda tur.

Eýropalyq ǵylymı-óndiristik palatasy júrgizetin joǵary oqý oryndarynyń reıtıńisinde kelesi kórsetkishter eskeriledi: joǵary sapaly bilim berý; zertteý jáne ınovasıalyq qyzmet, jumys berýshilerdiń túlekterge suranysy jáne t.b. Ýnıversıtetterdiń stýdentterdi kásibı bilim men biliktilikpen, ǵylymı-zertteý jumystaryna qatysýmen, sondaı-aq bolashaq jumys berýshilermen baılanys ornatýmen qamtamasyz etýge qabilettiligine erekshe nazar aýdarylady.

«ARES» halyqaralyq reıtıńisi 2011 jyldan beri júrgizilýde, ol memleketter boıynsha qyzmeti eýropalyq standarttarǵa sáıkes keletin ýnıversıtetterdi saralaıdy. Bıylǵy jyly atalmysh reıtingide Qazaqstannyń 96 joǵary oqý orny qatysty. «ARES»-tiń nátıjeleri álemniń jetekshi reıtıńilik agenttikterimen eskeriledi.

QazUÝ álemdik deńgeıdegi ǵylymı-zertteý ýnıversıtetine aınalý boıynsha maqsatty jumys júrgizýde jáne ǵalamdyq ǵylymı-bilim berý keńistiginde básekege qabilettiligin arttyrýda, bul onyń halyqaralyq reıtıńilerde tabysty ilgerileýine yqpal etedi.