ءال-فارابي اتىنداعى قازۇۋ «Academic Ranking of World Universities-European Standard» («ARES») اتتى بەدەلدى ەۋروپالىق رەيتينگىسى بويىنشا قازاقستاننىڭ جوعارى وقۋ ورىندارىنىڭ اراسىندا كوشباسشى بولدى. ول ءوزىنىڭ «اا» كورسەتكىشتەرى بويىنشا ەۋروپالىق جەتەكشى ۋنيۆەرسيتەتتەردىڭ قاتارىنا كىرىپ، «ا+» جانە ودان تومەن باعالارعا يە بولعان باسقا قازاقستاندىق جوو-دىڭ اناعۇرلىم الدىندا تۇر.

ەۋروپالىق عىلىمي-وندىرىستىك پالاتاسى جۇرگىزەتىن جوعارى وقۋ ورىندارىنىڭ رەيتينگىسىندە كەلەسى كورسەتكىشتەر ەسكەرىلەدى: جوعارى ساپالى ءبىلىم بەرۋ؛ زەرتتەۋ جانە يننوۆاسيالىق قىزمەت، جۇمىس بەرۋشىلەردىڭ تۇلەكتەرگە سۇرانىسى جانە ت.ب. ۋنيۆەرسيتەتتەردىڭ ستۋدەنتتەردى كاسىبي ءبىلىم مەن بىلىكتىلىكپەن، عىلىمي-زەرتتەۋ جۇمىستارىنا قاتىسۋمەن، سونداي-اق بولاشاق جۇمىس بەرۋشىلەرمەن بايلانىس ورناتۋمەن قامتاماسىز ەتۋگە قابىلەتتىلىگىنە ەرەكشە نازار اۋدارىلادى.

«ARES» حالىقارالىق رەيتينگىسى 2011 جىلدان بەرى جۇرگىزىلۋدە، ول مەملەكەتتەر بويىنشا قىزمەتى ەۋروپالىق ستاندارتتارعا سايكەس كەلەتىن ۋنيۆەرسيتەتتەردى سارالايدى. بيىلعى جىلى اتالمىش رەيتىنگىدە قازاقستاننىڭ 96 جوعارى وقۋ ورنى قاتىستى. «ARES»ء-تىڭ ناتيجەلەرى الەمنىڭ جەتەكشى رەيتينگىلىك اگەنتتىكتەرىمەن ەسكەرىلەدى.

قازۇۋ الەمدىك دەڭگەيدەگى عىلىمي-زەرتتەۋ ۋنيۆەرسيتەتىنە اينالۋ بويىنشا ماقساتتى جۇمىس جۇرگىزۋدە جانە عالامدىق ءعىلىمي-بىلىم بەرۋ كەڭىستىگىندە باسەكەگە قابىلەتتىلىگىن ارتتىرۋدا، بۇل ونىڭ حالىقارالىق رەيتينگىلەردە تابىستى ىلگەرىلەۋىنە ىقپال ەتەدى.