QazUÝ-de kovidke qarsy ekpe qujattardy daiyndaǵan ǵalymdary marapttaldy
QR BǴM Ǵylym komitetiniń jumys toby quramyna engen oqý ornynyń oqytýshylary 12-30 sáýir aralyǵynda ekpe boiynsha qujattardy saralap, klinikalyq zertteý qorytyndylaryn rásimdeýge qatysty.
Saltanatty kezdesýde Ál-Farabi atyndaǵy QazUÝ-dyń birinshi prorektory m.a. Qanatbek Muqanov ǵalymdarǵa nátijeli eńbekteri úshin alǵys bildirdi. Pandemiia barsha álemniń qalypty ómirine kóp ózgeris ákelgenin tilge tiek ete kele, ýniversitet mamandarynyń osyndai syn saǵatta joǵary talap údesinen shyǵa bilgenin atap ótti.
Óz kezeginde ǵalymdar otandyq ekpe jasap shyǵarýdyń aitýly jetistik ekenine toqtaldy. El ómirindegi asa jaýapty mindetti atqarýǵa atsalysý úlken jaýapkershilik ári zor maqtanysh ekenin jetkizdi. Sonymen qatar mamandar jumys barysynda jiǵan tájiribelerimen bólisip, ýniversitet basshylyǵyna ǵylymǵa degen qoldaýlary úshin rizashylyq tanytty.
Atap ótsek, ýniversitet joldamasymen QR BǴM Biologiialyq qaýipsizdik máseleleri ǵylymi-zertteý institýtyna Irgeli meditsina kafedrasynyń oqytýshysy Aidana Ámirenova, halyqaralyq baǵdarlamalar ortalyǵynyń mamany Adina Sálimbaeva, Turaqty damý institýtynyń jetekshi mamany Bibinaz Almanova, Biotehnologiia kafedrasynyń oqytýshylary Azamat Izmuqan men Marat Amangeldin, Diplomatiialyq aýdarma kafedrasynyń oqytýshylary Roza Rahimbaeva men Jansaia Jumalieva, epidemiologiia, biostatistika jáne dáleldi meditsina kafedrasynyń aǵa oqytýshysy Aqylbek Saqtapovtar jiberildi.
Al Almaty qalasynyń №4 qalalyq emhanasynda Irgeli meditsina kafedrasynyń oqytýshylary Baljan Aidashova, Kamila Jumaǵalieva, Arai Qaǵarmanova, Klinikalyq pánder kafedrasynyń dotsenti m.a Ainash Altaeva, Molekýlalyq biologiia jáne genetika kafedrasynyń aǵa oqytýshysy Aijan Júsipovalar eńbek etse, Diplomnan keiingi bilim berý kópsalaly emhanasynyń jumys toby quramynda Irgeli meditsina kafedrasynyń oqytýshysy Arai Úsenbaeva, Biotehnologiia kafedrasynyń oqytýshylary Anel Ómirbekova men Ardaq Kákimova, ekologiialyq máseleler boiynsha ǴZI direktorynyń orynbasary Áliia Ernazarovalar boldy.
Ýniversitet qyzmetkerlerine otandyq ekpe boiynsha qujattardy daiyndaý jáne sertifikatsiialaýdaǵy adal eńbegi, belsendi azamattyq ustanymdary úshin Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaevtyń Qurmet gramotasy men Alǵys haty tabystalyp, arnaiy syi-siiapat kórsetildi.
