ق ر بعم عىلىم كوميتەتىنىڭ جۇمىس توبى قۇرامىنا ەنگەن وقۋ ورنىنىڭ وقىتۋشىلارى 12-30 ءساۋىر ارالىعىندا ەكپە بويىنشا قۇجاتتاردى سارالاپ، كلينيكالىق زەرتتەۋ قورىتىندىلارىن راسىمدەۋگە قاتىستى.
سالتاناتتى كەزدەسۋدە ءال-فارابي اتىنداعى قازۇۋ-دىڭ ءبىرىنشى پرورەكتورى م.ا. قاناتبەك مۇقانوۆ عالىمدارعا ناتيجەلى ەڭبەكتەرى ءۇشىن العىس ءبىلدىردى. پاندەميا بارشا الەمنىڭ قالىپتى ومىرىنە كوپ وزگەرىس اكەلگەنىن تىلگە تيەك ەتە كەلە، ۋنيۆەرسيتەت ماماندارىنىڭ وسىنداي سىن ساعاتتا جوعارى تالاپ ۇدەسىنەن شىعا بىلگەنىن اتاپ ءوتتى.
ءوز كەزەگىندە عالىمدار وتاندىق ەكپە جاساپ شىعارۋدىڭ ايتۋلى جەتىستىك ەكەنىنە توقتالدى. ەل ومىرىندەگى اسا جاۋاپتى مىندەتتى اتقارۋعا اتسالىسۋ ۇلكەن جاۋاپكەرشىلىك ءارى زور ماقتانىش ەكەنىن جەتكىزدى. سونىمەن قاتار ماماندار جۇمىس بارىسىندا جيعان تاجىريبەلەرىمەن ءبولىسىپ، ۋنيۆەرسيتەت باسشىلىعىنا عىلىمعا دەگەن قولداۋلارى ءۇشىن ريزاشىلىق تانىتتى.
اتاپ وتسەك، ۋنيۆەرسيتەت جولداماسىمەن ق ر بعم بيولوگيالىق قاۋىپسىزدىك ماسەلەلەرى عىلىمي-زەرتتەۋ ينستيتۋتىنا ىرگەلى مەديسينا كافەدراسىنىڭ وقىتۋشىسى ايدانا امىرەنوۆا، حالىقارالىق باعدارلامالار ورتالىعىنىڭ مامانى ادينا سالىمبايەۆا، تۇراقتى دامۋ ينستيتۋتىنىڭ جەتەكشى مامانى ءبيبىناز المانوۆا، بيوتەحنولوگيا كافەدراسىنىڭ وقىتۋشىلارى ازامات ءىزمۇقان مەن مارات امانگەلدين، ديپلوماتيالىق اۋدارما كافەدراسىنىڭ وقىتۋشىلارى روزا راحيمبايەۆا مەن جانسايا جۇمالييەۆا، ەپيدەميولوگيا، بيوستاتيستيكا جانە دالەلدى مەديسينا كافەدراسىنىڭ اعا وقىتۋشىسى اقىلبەك ساقتاپوۆتار جىبەرىلدى.
ال الماتى قالاسىنىڭ №4 قالالىق ەمحاناسىندا ىرگەلى مەديسينا كافەدراسىنىڭ وقىتۋشىلارى بالجان ايداشوۆا، كاميلا جۇماعالييەۆا، اراي قاعارمانوۆا، كلينيكالىق پاندەر كافەدراسىنىڭ دوسەنتى م.ا ايناش التايەۆا، مولەكۋلالىق بيولوگيا جانە گەنەتيكا كافەدراسىنىڭ اعا وقىتۋشىسى ايجان ءجۇسىپوۆالار ەڭبەك ەتسە، ديپلومنان كەيىنگى ءبىلىم بەرۋ كوپسالالى ەمحاناسىنىڭ جۇمىس توبى قۇرامىندا ىرگەلى مەديسينا كافەدراسىنىڭ وقىتۋشىسى اراي ۇسەنبايەۆا، بيوتەحنولوگيا كافەدراسىنىڭ وقىتۋشىلارى انەل ومىربەكوۆا مەن ارداق كاكىموۆا، ەكولوگيالىق ماسەلەلەر بويىنشا عزي ديرەكتورىنىڭ ورىنباسارى ءاليا ەرنازاروۆالار بولدى.
ۋنيۆەرسيتەت قىزمەتكەرلەرىنە وتاندىق ەكپە بويىنشا قۇجاتتاردى دايىنداۋ جانە سەرتيفيكاسيالاۋداعى ادال ەڭبەگى، بەلسەندى ازاماتتىق ۇستانىمدارى ءۇشىن ءال-فارابي اتىنداعى قازۇۋ-دىڭ باسقارما ءتوراعاسى – رەكتورى جانسەيىت تۇيمەبايەۆتىڭ قۇرمەت گراموتاسى مەن العىس حاتى تابىستالىپ، ارنايى سىي-سياپات كورسەتىلدى.
