- Ál-Farabi atyndaǵy Qazaq ulttyq ýniversitetinde Ǵylym qyzmetkerleri kúni men Halyqaralyq ǵaryshkerler kúni qarsańynda «Farabi» zamanaýi observatoriiasy ashyldy, dep habarlaidy Dalanews.Kz Ál-Farabi atyndaǵy QazUÝ-dyń Baspasóz qyzmetine silteme jasap.
Elimizdiń joǵary oqý oryndary arasynda tuńǵysh ret iske qosylyp jatqan bul ortalyq sońǵy úlgidegi teleskoptar arqyly tańǵajaiyp aspan álemimen tanysyp, zertteý jumystaryn júrgizýge mol múmkindik beredi.
Ashylý rásimine QR Ulttyq injenerlik akademiiasynyń prezidenti Baqytjan Jumaǵulov, QR Ǵylym jáne joǵary bilim ministrligi Ǵylym komitetiniń tóraǵasy Ǵalymjan Janqýatov, Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev, Almaty qalasy kreativti indýstriia basqarmasynyń basshysy Qaisar Sarybaev, otandyq jáne sheteldik ǵalymdar, oqytýshy-professorlar quramy men bilim alýshy jastar qatysty.
Saltanatty sharada Janseiit Túimebaev ámbebap nysan ǵalymdar men stýdentterdiń ǵylymi jańalyqtaryn jáne ǵarysh álemindegi beimálim qupiialardyń syryn ashatyn ǵylymi ortalyq bolatynyn atap ótti.
«Farabi» observatoriiasy stýdentterge tájiribelik sabaqtar ótkizýge, jas ǵalymdardyń ǵylymi zertteýlermen ainalysýyna arnalǵan. Jańa nysanda bilim alýshylar aspan denelerin baqylai alady. Bul bastama ǵaryshty zerttei otyryp, adamdardyń oi-órisin damytýǵa yqpal etedi. Derekterdi óńdeý, jinaý jáne taratý, qashyqtan basqarý, fotometrlerdi qoldaný tájiribesi jastardyń ǵylymi-zertteý jumystarynyń nátijesin joǵarylatyp, aldaǵy ýaqytta iri teleskoptarmen jumys isteýlerine jol ashady», – dedi rektor.
Atalmysh nysan optikasynyń diagonaly 12 diýim jáne fokýstyq uzyndyǵy 3048 mm bolatyn «Meade LX90-ACF oqý» teleskopymen jabdyqtalǵan. Sonymen qatar munda qoldanbaly teleskoptyń úsh túri qoiylǵan. Teleskoptar Satýrn, Mars, Iýpiter ǵalamsharyn jáne olardyń serikterin, juldyzdardy, Aidy, Kún júiesindegi ózge planetalardy, jaqyn ǵaryshtyq denelerdi baqylaýǵa múmkindik beredi.
Aldaǵy ýaqytta observatoriiada stýdentter úshin tájiribelik sabaqtardyń bir bóligin ótkizý josparlanyp otyr. Bul tásil bilim alýshylarǵa dalalyq jaǵdaida bilimderin shyńdaýǵa jáne erkin formatta sabaq oqýlary úshin tiimdi bolmaq.
Dizainy kúmbezdi shatyr retinde jasalǵan «Farabi» observatoriiasy QazUÝ qalashyǵyndaǵy Ál-Farabi kitaphanasynyń aldyndaǵy ashyq alańǵa ornalastyrylǵan.
