QazUÝ-da Rahmetolla Raiymqulovqa arnalǵan halyqaralyq konferentsiia ótti: 12 mamyr 2023

Ál-Farabi atyndaǵy Qazaq ulttyq ýniversitetinde jazýshy, qoǵam qairatkeri Rahmetolla Raiymqulovtyń týǵanyna 110 jyl tolýyna arnalǵan «Rahmetolla Raiymqulovtyń ádebi murasy: Kórkemdik jáne ulttyq minez» atty halyqaralyq ǵylymi-tájiribelik konferentsiia uiymdastyryldy.

Jiynda jazýshynyń ómiri men shyǵarmashylyǵyna arnalǵan «Ǵibratty ǵumyr» atty seriialyq kitabynyń jáne balalarǵa arnalǵan «Sur kóbelek» kitabynyń saltanatty tusaýkeser rásimi ótti.

Is-sharaǵa QR Prezidentiniń keńesshisi Málik Otarbaev, QazUÝ-dyń Basqarma Tóraǵasy – Rektory Janseiit Túimebaev, qalamgerler – Dýlat Isabekov, Nurlan Orazalin, Smaǵul Elýbai, Saýytbek Ábdirahmanov, memleket jáne qoǵam qairtkerleri, Rahmetolla Raiymqulovtyń qyzy, R.Baǵlanova atyndaǵy «Qazaqkontsert» memlekettik kontserttik uiymynyń basshysy Aqtoty Raiymqulova, oqý ordasynyń oqytýshy-professorlar quramy men bilim alýshy jastar qatysty.

Konferentsiia barysynda Memleket basshysy Qasym-Jomart Toqaevtyń quttyqtaý hatyn QR Prezidentiniń keńesshisi Málik Otarbaev oqyp berdi. Hatta: «Rahmetolla Raiymqulov – rýhaniiatymyzdyń órkendeýine zor úles qosqan qalamger. Jazýshynyń shoqtyǵy biik shyǵarmalary oqyrman qaýymnyń júregine jol taýyp, laiyqty baǵasyn aldy. Sondai-aq ol sheteldiń klassikalyq týyndylaryn qazaq tiline aýdaryp, rýhani mol mura qaldyrdy. Qalamgerdiń eńbek joly óskeleń urpaqqa úlgi bolary sózsiz», – delingen.

Sonymen qatar jiynda QR Aqparat jáne qoǵamdyq damý ministri Darhan Qydyráliniń, QR Mádeniet jáne sport ministri Ashat Oralovtyń quttyqtaý haty oqyldy.

Óz kezeginde Ál-Farabi atyndaǵy QazUÝ rektory Janseiit Túimebaev sóz sóilep, Rahmetolla Raiymqulovtyń eńbek jolyna toqtaldy.

«Rahmetolla Raiymqulovtyń izdenis joly 1935 jyly Tashkent pedinstitýtynan bastalǵan. Kóptegen jas qalamgerge keńesin aityp, jol nusqap otyrdy. Basshylyq qyzmette júrip, ádebi shyǵarmashylyqpen ainalysty. Qalamgerdiń esimi ádebi ortada, oqyrman arasynda keńinen tanyldy», – dedi Janseiit Túimebaev.

Konferentsiia barysynda filologiia ǵylymynyń doktory, professor Qanseiit Ábdezuly baiandama jasap, qalamgerler qaýymy estelikterimen bólisti.

«Rahmetolla Raiymqulov – qazaq ádebietine jańasha serpin alyp kelgen tulǵa. Onyń kez kelgen týyndysy oqyrman júreginen oryn ala bildi. Urpaqqa qaldyrǵan murasy ushan-teńiz. Osyndai ádebiet áleminde ózindik qoltańbasyn qaldyrǵan jazýshylarymyzdy eshqashan umytpaýymyz qajet. Búgingi igi sharanyń mańyzdylyǵy joǵary», – dedi Dýlat Isabekov.

Kezdesý sońynda jazýshynyń qyzy Aqtoty Raiymqulova keshti uiymdastyrǵany úshin QazUÝ basshylyǵyna rizashylyǵyn bildirdi. Óz sózinde ol búgingi «Ǵibratty ǵumyr» seriiasy arqyly basylyp shyqqan kitaptyń orny bólek ekenin jetkizdi.

Sondai-aq konferentsiiada Rahmetolla Raiymqulovqa arnalǵan respýblikalyq shyǵarmashylyq baiqaýdyń jeńimpazdary anyqtalyp, arnaiy syilyqtarmen marapattaldy.

Shara aiasynda jazýshynyń ómiri men shyǵarmashylyǵyna arnalǵan foto jáne kitap kórmesi uiymdastyryldy.

Ál-Farabi atyndaǵy QazUÝ-dyń Baspasóz qyzmeti

QazUÝ-da Rahmetolla Raiymqulovqa arnalǵan halyqaralyq konferentsiia ótti

Oqi otyryńyz

Orazalin Shahanovpen qoshtasý rásimine nege kelmegenin túsindirdi

Bloger Dastan Muhamedrahym Ýill Smitke shapan jaýyp, qazaq dástúrin dáriptedi

Túrmede jazasyn ótep jatqan myńdaǵan qazaqstandyqqa bostandyq berildi