Elbasy Nursultan Nazarbaev Q.Sátbaev atyndaǵy Qazaq ulttyq tehnikalyq ýniversitetiniń rektory Jeksenbek Ádilovti qabyldady.
Bul týraly Aqordanyń baspasóz qyzmetinen habarlady.
Memleket basshysy oqý ornyn tehnikalyq zertteý ýniversitetine ainaldyrýǵa bailanysty mańyzdy mindet turǵanyna toqtaldy.
Qazaqstan Prezidenti eldi indýstriialandyrý baǵdarlamasyn júzege asyrý úderisinde joǵary bilikti injener mamandarǵa suranys ulǵaiatynyn atap ótti.
«Indýstriialandyrý jyldary salynǵan 700-den astam nysan, sondai-aq biyl iske qosý josparlanǵan 70 shaqty kásiporyn jaqsy daiyndalǵan injenerlerdi qajet etedi. Sondyqtan sońǵy kezderi respýblikanyń joǵary oqý oryndaryn damytý jáne transformatsiialaý máselesine airyqsha kóńil bólinýde. Sonymen qatar, qarjylandyrýdy ulǵaitý, ǵylymi-zertteý institýttaryn ýniversitetterdiń qaramaǵyna berý isi stýdentterge oqý barysynda ǵylymmen ainalysýǵa jaǵdai jasaýǵa baǵyttalǵan. Ókinishke qarai, búginde túlekterdiń kópshiligi, tipti ǵylymi dáreje alǵandary da ǵylymǵa talpynbaidy», - dedi Nursultan Nazarbaev.
J.Ádilov Almatyda resýrs únemdeý salasyndaǵy innovatsiialyq klaster qurý barysy týraly aitty. Sondai-aq tehnika men tehnologiia, geologiia jáne taý-ken metallýrgiia salalardaǵy innovatsiialyq jobalar týraly baiandady.
Kezdesý qorytyndysy boiynsha Memleket basshysy injenerlik bilim berýdi damytý salasyna qatysty birqatar mindetter qoidy.
Derekkózi: inform.kz
