Almatynyń Almaly aýdandyq sotynda qaralyp jatqan Sanjar Bokaev pen basqa da sottalýshylarǵa qatysty qylmystyq is boiynsha sot otyrysy keiinge qaldyryldy, dep habarlaidy dalanews.kz.
Sot otyrysyn ótkizý 16 qazanǵa josparlanǵan. Buǵan sottalýshylardyń Almatydan tys jerge tergeý áreketterine qatysý úshin etappen shyǵarylýy sebep bolǵan.
«Almaty qalasynyń Almaly aýdandyq sotynda asa iri mólsherde alaiaqtyq jasaý (QK-niń 190-baby), qylmystyq jolmen alynǵan aqshany zańdastyrý (QK-niń 218-baby), adamdar tobynyń aldyn ala sóz bailasýy boiynsha jasalǵan urlyq (QK-niń 188-baby), aǵashtardy zańsyz kesý (QK-niń 340-baby), sondai-aq kórineý jalǵan aqparat taratý (QK-niń 274-baby) boiynsha aiyptalǵan Núsipqoja U., Kalmenov M. jáne Bokaev S.-ǵa qatysty qylmystyq is boiynsha sot otyrysy basqa tulǵalarǵa qatysty tergelip jatqan qylmystyq ister aiasynda tergeý áreketterin júrgizý úshin sottalýshylardyń Almaty qalasynan tys jerge etappen shyǵarylýyna bailanysty keiinge qaldyryldy», – dep habarlady Almaly aýdandyq soty.
Kelesi sot otyrysy 2026 jylǵy 16 qazanda ótedi.
