QazUPÝ-di biylǵy túlekteriniń arasynda 77 «Altyn belgi» iegeri bar
Taiaýda Abai atyndaǵy Qazaq ulttyq pedagogikalyq ýniversitetinde oqýǵa jańa túsken talapkerlerdi Stýdentter qataryna qabyldaýǵa arnalǵan saltanatty jiyn bolyp ótti.
Ýniversitet rektory, professor Takir Balyqbaev quttyqtaý sózinde biyl oqýǵa túsken talapkerlerdiń sapalyq quramy jaqsara túskenin, olardyń 77-si «Altyn belgi» iegerleri ekenin, sondai-aq kópshiligi UBT-da joǵary ball jinaqtaǵan jastar ekenin tilge tiek etti. Ol oqý ornyn tolyqtyryp otyrǵan jas tolqynǵa sát-sapar tilep, «Altyn belgi» iegerleriniń birqatar ókilderine saltanatty jaǵdaida Stýdenttik biletter tapsyrdy.
Ýniversitet Baqylaý keńesiniń múshesi belgili qoǵam qairatkeri Kenjehen Matyjanov stýdentter qataryna qabyldanyp otyrǵan birinshi kýrstyqtardy quttyqtap, UBT-da eń joǵary ball jinaqtap, ýniversitetke túsip otyrǵan stýdentterdiń bir tobyna Stýdenttik bilet tapsyrdy. Ýniversitettiń budan 50 jyl burynǵy túlegi, professor Jumádil Shildebaev quttyqtaý sóz sóiledi.
Merekelik kontsertte N.Tilendiev atyndaǵy «Otyrar sazy» akademiialyq etnografiialyq-folklorlyq orkestri, Qazaqstannyń belgili óner juldyzdary jáne ýniversitet kórkemónerpazdary óner kórsetti.
Abai atyndaǵy QazUPÝ Qoǵammen bailanys jónindegi bólim
https://dalanews.kz/30331
