تاياۋدا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە وقۋعا جاڭا تۇسكەن تالاپكەرلەردى ستۋدەنتتەر قاتارىنا قابىلداۋعا ارنالعان سالتاناتتى جيىن بولىپ ءوتتى.



ۋنيۆەرسيتەت رەكتورى، پروفەسسور تاكير بالىقبايەۆ قۇتتىقتاۋ سوزىندە بيىل وقۋعا تۇسكەن تالاپكەرلەردىڭ ساپالىق قۇرامى جاقسارا تۇسكەنىن، ولاردىڭ 77ء-سى «التىن بەلگى» يەگەرلەرى ەكەنىن، سونداي-اق كوپشىلىگى ۇبت-دا جوعارى بالل جيناقتاعان جاستار ەكەنىن تىلگە تيەك ەتتى. ول  وقۋ ورنىن تولىقتىرىپ وتىرعان جاس تولقىنعا ءسات-ساپار تىلەپ، «التىن بەلگى» يەگەرلەرىنىڭ ءبىرقاتار وكىلدەرىنە  سالتاناتتى جاعدايدا ستۋدەنتتىك بيلەتتەر تاپسىردى.

ۋنيۆەرسيتەت باقىلاۋ كەڭەسىنىڭ مۇشەسى بەلگىلى قوعام قايراتكەرى كەنجەحەن ماتىجانوۆ ستۋدەنتتەر قاتارىنا قابىلدانىپ وتىرعان ءبىرىنشى  كۋرستىقتاردى قۇتتىقتاپ، ۇبت-دا ەڭ جوعارى بالل جيناقتاپ، ۋنيۆەرسيتەتكە ءتۇسىپ وتىرعان ستۋدەنتتەردىڭ ءبىر توبىنا ستۋدەنتتىك بيلەت تاپسىردى. ۋنيۆەرسيتەتتىڭ بۇدان 50 جىل بۇرىنعى تۇلەگى، پروفەسسور ءجۇمادىل شىلدەبايەۆ قۇتتىقتاۋ ءسوز سويلەدى.

مەرەكەلىك كونسەرتتە ن.تىلەندييەۆ اتىنداعى «وتىرار سازى» اكادەميالىق ەتنوگرافيالىق-فولكلورلىق وركەسترى، قازاقستاننىڭ بەلگىلى ونەر جۇلدىزدارى جانە ۋنيۆەرسيتەت كوركەمونەرپازدارى ونەر كورسەتتى.



 

اباي اتىنداعى قازۇپۋ قوعاممەن بايلانىس جونىندەگى  ءبولىم

 

https://dalanews.kz/30331