Utys oıyndarynda kelesi júldeler oınatyldy:
- 100 bilim alýshyǵa 1 jyldyq oqý aqysyna 5% jeńildik;
- 50 bilim alýshy 20 000 teńge aqshalaı syıaqy;
- 50 bilim alýshyǵa Qapshaǵaı jaǵajaıyndaǵy «Ustaz» demalys oryna joldama;
- 60 bilim alýshyǵa «I teach in English» aǵylshyn tiliniń daıyndyq kýrsyna tegin sertıfıkat;
- 20 bilim alýshyǵa «Meloman» dúkeninen kitap satyp alý úshin 10 000 teńge aqshalaı syıaqy;
- 100 bilim alýshyǵa «Abai University» ımıjdik ónimderi.
2021 jyldyń 16 shilde kúni vaksınanyń birinshi komponentin 1-15 shilde aralyǵynda alǵan bilim alýshylar arasynda utystyń úsh oıyn túrinen jeńimpazdardy anyqtaý sharasy ótkizildi. Utys oıynynyń tıimdi jáne ádil júrgizilýin qamtamasyz etý maqsatynda oıyn Erejesi bekitilip, arnaıy komısıa quryldy. Jeńimpazdardy anyqtaý ýnıversıtet rektory Darhan Bilálovtyń tóraǵalyǵymen qurylǵan komısıa músheleriniń qatysýymen ótti.
Jeńimpazdardy anyqtaý ZOOM platformasynda kezdeısoq sandar generatory ádisi arqyly júrgizilip, nátıjesinde 50 stýdent Qapshaǵaıdaǵy demalys ornyna joldama, 60 stýdent aǵylshyn kýrsyna tegin sertıfıkat jáne 100 stýdent bir jyldyq oqý aqysyna 5% jeńildikke ıe boldy.
COVID-19-ǵa qarsy vaksınanyń birinshi komponentin saldyryp, utys oıyndarynyń jeńimpazdary atanǵan stýdentter 2021 jyldyń 22-24 shilde aralyǵynda Qapshaǵaı jaǵajaıyndaǵy «Ustaz» demalys ornyna úsh kúndik demalysqa baryp qaıtty. Demalys ornyna barǵan stýdentter tórt mezgil tamaqtanyp, sýǵa shomylyp, demalystaryn barynsha qyzyqty ótkizýge tyrysty. Úsh kúnge sozylǵan jaǵajaıdaǵy demalys, stýdentterge kóterińki kóńil-kúı syılady.
Jeńimpaz stýdentterge ýnıversıtet rektorynyń arnaıy sertıfıkattary tabystaldy. Demalysqa múmkindik alǵan stýdentter rektor Darhan Bilálovqa jáne ýnıversıtet ákimshiligine rızashylyǵyn bildirdi.
Ýnıversıtet bilim alýshylary arasynda vaksına ektirýdi tıimdi uıymdastyrý jáne olardy vaksına alýǵa yntalandyrý maqsatyndaǵy ıgi shara óz jalǵasyn tabady.
