QazUPÝ-da Tóle bi kóshesi kúni atalyp ótti
Abai atyndaǵy Qazaq Ulttyq pedagogikalyq ýniversitetiniń bas oqý ǵimartynyń alańynda Medeý aýdandyq ákimdigi men osy oqý ornynyń birlesip uiymdastyrýymen "Tóle bi kóshesiniń" kúni atap ótildi.
Bul mereke Elbasy N. Nazarbaevtyń «Bolashaqqa baǵdar: rýhani jańǵyrý» baǵdarmasynyń eńbegine sáikes jastarǵa rýhani-adamgershilik jáne estetikalyq tárbie berý, kóshe turǵyndarynyń týǵan qalasy men kóshesiniń tarihynan málimet alýyna yqpal etý, óz kóshesi men aýdanyna degen maqtanysh sezimin qalyptastyrý maqsatymen ótkizilip otyr.
Merekelik sharaǵa Medeý aýdanynyń ákimi Erjan Jylqybaev, Ǵabit Músirepov atyndaǵy Qazaq memlekettik akademiialyq balalar men jasóspirimder teatrynyń direktory Sábit Ábdihalyqov, «Kazgor» jobalaý akademiiasynyń Qurmetti akademigi, jáne «Ken-Arna K» JShS direktory, kórnekti memleket qairetkeri Keńes Aýhadiev, memlekettik syilyq laýreaty, eńbek sińirgen óner qairatkeri, ataqty akter Sábit Orazbaev, belgili rejisser, akter, prodiýsser Dosqan Joljaqsynov jáne kóshe turǵyndary qatysty. Kóshe kúnine arnalǵan saltanatty is-sharada Medeý aýdanynyń ákimi Erjan Jylqybaev, memleket qairatkeri Keńes Aýhadiev, mádeniet jáne óner qairatkeri Sábit Orazbaev, Sábit Ábdihalyqov sóz sóilep, Tóle bi kóshesiniń turǵyndaryn merekemen quttyqtady.
Is-shara aiasynda Abai atyndaǵy QazUPÝ «Balalar kitabiniń álemi», «Balalar áleminiń elshisi», «Jastar kitap oqidy, tańdaidy», «Qolóner» sheberleri buiymdarynyń kórmesin uiymdastyrdy. Sheberlik synyptary boldy. Ártúrli ulttyq sport oiyndary kórsetildi. Ǵ. Músirepov atyndaǵy jasóspirimder jáne balalar teatry «Bazaryń tarqamasyn» atty mýzykalyq dramadan qoiylym kórsetti. Kópshilik Medeý aýdany men Abai atyndaǵy QazUPÝ ónerpazdarynyń kontsertterin tamashalady.
QazUPÝ-diń Qoǵammen bailanys bólimi
