اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باس وقۋ عيمارتىنىڭ الاڭىندا مەدەۋ اۋداندىق اكىمدىگى مەن وسى وقۋ ورنىنىڭ بىرلەسىپ ۇيىمداستىرۋىمەن "تولە بي كوشەسىنىڭ"  كۇنى اتاپ ءوتىلدى.

بۇل مەرەكە ەلباسى ن. نازاربايەۆتىڭ «بولاشاققا باعدار: رۋحاني جاڭعىرۋ» باعدارماسىنىڭ ەڭبەگىنە سايكەس جاستارعا رۋحاني-ادامگەرشىلىك جانە ەستەتيكالىق تاربيە بەرۋ، كوشە تۇرعىندارىنىڭ تۋعان قالاسى مەن كوشەسىنىڭ  تاريحىنان مالىمەت الۋىنا ىقپال ەتۋ، ءوز كوشەسى مەن اۋدانىنا دەگەن ماقتانىش سەزىمىن قالىپتاستىرۋ ماقساتىمەن وتكىزىلىپ وتىر.

مەرەكەلىك شاراعا مەدەۋ اۋدانىنىڭ اكىمى ەرجان جىلقىبايەۆ، عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى ءسابيت  ءابدىحالىقوۆ، «كاzgor» جوبالاۋ اكادەمياسىنىڭ قۇرمەتتى اكادەميگى،  جانە  «كەن-ارنا ك» ج ش س ديرەكتورى، كورنەكتى مەملەكەت قايرەتكەرى كەڭەس اۋحادييەۆ، مەملەكەتتىك سىيلىق لاۋرەاتى، ەڭبەك سىڭىرگەن ونەر قايراتكەرى، اتاقتى اكتەر ءسابيت ورازبايەۆ، بەلگىلى رەجيسسەر، اكتەر، پروديۋسسەر دوسقان جولجاقسىنوۆ جانە كوشە تۇرعىندارى قاتىستى. كوشە كۇنىنە ارنالعان سالتاناتتى  ءىس-شارادا مەدەۋ اۋدانىنىڭ اكىمى ەرجان جىلقىبايەۆ، مەملەكەت قايراتكەرى كەڭەس اۋحادييەۆ، مادەنيەت جانە ونەر قايراتكەرى ءسابيت ورازبايەۆ، ءسابيت ءابدىحالىقوۆ ءسوز سويلەپ، تولە بي كوشەسىنىڭ تۇرعىندارىن مەرەكەمەن قۇتتىقتادى.

ءىس-شارا اياسىندا اباي اتىنداعى قازۇپۋ «بالالار كىتابىنىڭ الەمى»، «بالالار الەمىنىڭ ەلشىسى»، «جاستار كىتاپ وقيدى، تاڭدايدى»، «قولونەر» شەبەرلەرى بۇيىمدارىنىڭ كورمەسىن ۇيىمداستىردى. شەبەرلىك سىنىپتارى بولدى. ءارتۇرلى ۇلتتىق سپورت ويىندارى كورسەتىلدى. ع. مۇسىرەپوۆ اتىنداعى جاسوسپىرىمدەر جانە بالالار تەاترى «بازارىڭ تارقاماسىن» اتتى مۋزىكالىق درامادان قويىلىم كورسەتتى. كوپشىلىك مەدەۋ اۋدانى مەن اباي اتىنداعى قازۇپۋ ونەرپازدارىنىڭ كونسەرتتەرىن تاماشالادى.

 

قازۇپۋء-دىڭ قوعاممەن بايلانىس ءبولىمءى