Qazsport telearnasyna kúni keshe ótken fýtbol matchy tikelei efirde nege "qatyp" qalǵanyn túsindirdi, dep habarlaidy Dalanews.kz.
"Qairat" - "Real Madrid" matchynyń transliatsiiasy barysynda tehnikalyq aqaýlar týyndap, kórermenge oiynnyń onlain kórsetilimin tolyq kórsetý múmkindigi bolmady.
Korporatsiia matchqa deiin tolyqtai tehnikalyq daiyndyq sharalaryn júrgizgen. Serverlerdiń qýattylyǵy ádettegiden úsh ese kóbeitilip, beine aǵynyn jetkizý qyzmeti ońtailandyrylǵan.
"Alaida, match bastalǵan sátten týyndaǵan máseleni jedel sheshýge tyrysqanymyzben, internet jelisindegi syrtqy qiyndyqtarǵa bailanysty aqaýlardy tolyqtai retke keltirý múmkin bolmady. Qazirgi tańda máselege qatysty keshendi tehnikalyq taldaý júrgizilýde. Týyndaǵan qolaisyzdyqtar úshin kórermennen keshirim suraimyz", - deidi telearna ókilderi.
Aita keteiik, keshe Almatyda "Qairat" pen "Realdyń" tarihi matchy aiaqtaldy. Almatylyq klýb qaqpasyna jaýapsyz bes gol soǵyldy. Matchtyń qalai ótkenin osy materialdan oqi alasyzdar.
