Qazsport تەلەارناسىنا كۇنى كەشە وتكەن فۋتبول ماچى تىكەلەي ەفيردە نەگە "قاتىپ" قالعانىن ءتۇسىندىردى، دەپ حابارلايدى Dalanews.kz.
"قايرات" - "رەال مادريد" ماچىنىڭ ترانسلياسياسى بارىسىندا تەحنيكالىق اقاۋلار تۋىنداپ، كورەرمەنگە ويىننىڭ ونلاين كورسەتىلىمىن تولىق كورسەتۋ مۇمكىندىگى بولمادى.
كورپوراسيا ماچقا دەيىن تولىقتاي تەحنيكالىق دايىندىق شارالارىن جۇرگىزگەن. سەرۆەرلەردىڭ قۋاتتىلىعى ادەتتەگىدەن ءۇش ەسە كوبەيتىلىپ، بەينە اعىنىن جەتكىزۋ قىزمەتى وڭتايلاندىرىلعان.
"الايدا، ماچ باستالعان ساتتەن تۋىنداعان ماسەلەنى جەدەل شەشۋگە تىرىسقانىمىزبەن، ينتەرنەت جەلىسىندەگى سىرتقى قيىندىقتارعا بايلانىستى اقاۋلاردى تولىقتاي رەتكە كەلتىرۋ مۇمكىن بولمادى. قازىرگى تاڭدا ماسەلەگە قاتىستى كەشەندى تەحنيكالىق تالداۋ جۇرگىزىلۋدە. تۋىنداعان قولايسىزدىقتار ءۇشىن كورەرمەننەن كەشىرىم سۇرايمىز"، - دەيدى تەلەارنا وكىلدەرى.
ايتا كەتەيىك، كەشە الماتىدا "قايرات" پەن "رەالدىڭ" تاريحي ماچى اياقتالدى. الماتىلىق كلۋب قاقپاسىنا جاۋاپسىز بەس گول سوعىلدى. ماچتىڭ قالاي وتكەنىن وسى ماتەريالدان وقي الاسىزدار.
