QMG aksıalardy AIX bırjasyna saýda-sattyqqa jiberýge ótinim bermek. "Usynys sheńberinde 90,42% aksıalarǵa ıelik etetin Qor ınvestorlardyń keń aýqymyna, Qazaqstan azamattaryna basymdyq bere otyryp, 30 505 974 aksıaǵa deıin satyp alýdy usynýǵa nıetti. Bul barlyq Aksıalardyń jalpy sanynyń shamamen 5%-yn quraıdy. Qalǵan aksıalar qazirgi ýaqytta Qazaqstan Ulttyq Bankine tıesili", - dep málimdedi, «Samuryq-Qazyna» ulttyq ál-aýqat qorynyń basqarma tóraǵasy Almasadam Sátqalıev.
«Osylaısha IPO-nyń nátıjeleri boıynsha Qor kem degende 85% Aksıalarǵa ıelik etýdi jalǵastyrady. Usynystyń sheńberinde bir aksıanyń baǵasy shamamen 5,1 trıllıon teńge mólsherinde kapıtaldandyrýdy boljaı otyryp, bir aksıa úshin 8 406 teńgeni quraıdy. Investorlardyń ótinimderin qabyldaý 2022 jyldyń 9 qarashasynda bastalyp, ınstıtýsıonaldyq ınvestorlar úshin 2022 jyldyń 30 qarashasynda, al bólshek ınvestorlar úshin 2022 jyldyń 2 jeltoqsanynda aıaqtalady»
"QMG jetekshi munaı-gaz kompanıasy jáne Qazaqstandaǵy ulttyq kompanıalar arasyndaǵy eń iri kompanıa. Ol kómirsýtekterdi barlaý men óndirýden bastap tasymaldaýǵa, óńdeýge jáne servıstik qyzmetter kórsetýge deıingi barlyq óndiristik sıkl boıynsha aktıvterdi basqarady, sondaı-aq munaı-gaz salasyndaǵy memlekettik saıasatty ázirleýge jáne iske asyrýǵa qatysady", - dedi, ulttyq kompanıa basshysy Maǵzum Myrzaǵalıev.
Onyń aıtýynsha, kompanıa eldegi munaı men gaz kondensatyn óndirýde 25% , tasymaldaýda 56% jáne munaı óńdeýde 82%-dy qamtıdy. Bizdiń shoǵyrlandyrylǵan aktıvterimiz 15 trıllıon teńgeden asty. Bıyl QMG-nyń qurylǵanyna 20 jyl toldy. Qazirdiń ózinde kompanıa korporatıvtik basqarý men ashyqtyqtyń eń joǵary standarttaryna sáıkesedi, óziniń eýrooblıgasıalarynyń shyǵarylymdary arqyly halyqaralyq jáne qazaqstandyq baǵaly qaǵazdar naryqtarynda keńinen tanymal, barlyq úsh jetekshi halyqaralyq reıtıńtik agenttikterdiń halyqaralyq kredıttik reıtıńteri bar, olardyń ekeýi ınvestısıalyq deńgeıdegi reıtıń.
"Úkimet pen Qordyń QMG aksıalarynyń bir bóligin erkin naryqta satý týraly sheshimi áleýetti ınvestorlarǵa kompanıanyń aksıalaryn satyp alýǵa múmkindik beredi, Qazaqstandaǵy baǵaly qaǵazdar jáne qor bırjalary naryǵynyń damýyna yqpal etetin bolady. Bul rette kompanıany baqylaý Qor arqyly memlekette qalatynyn atap ótemin. Biz óz tarapymyzdan QMG kompanıasy ınvestorlarymyz úshin tartymdy bolýy jáne olardyń ınvestısıalyq portfelderinde laıyqty oryn alýy úshin bar kúshimizdi salamyz"
Josparlanǵan usynystyń negizgi aspektilerin rastaý
- QMG-da josparlanyp otyrǵan IPO Qazaqstan Respýblıkasynyń Úkimeti bekitken Jekeshelendirýdiń 2021-2025 jyldarǵa arnalǵan keshendi josparyn iske asyrý aıasynda ótkiziledi.
- Qor AIX jáne KASE qaǵıdalary men erejelerine sáıkes qazaqstandyq jáne halyqaralyq bólshek jáne ınstıtýsıonaldyq ınvestorlarǵa AIX qazaqstandyq alańdarynda jáne Qazaqstandyq qor bırjasynda (budan ári – «KASE») aksıalar usynýǵa nıetti.
- Qazirgi ýaqytta Qorǵa QMG-nyń barlyq shyǵarylǵan jáne ornalastyrylǵan jaı aksıalarynyń 90,42%-y tıesili. Usynys sheńberinde Qor 30 505 974 Aksıany satýǵa usynýǵa nıetti, bul shyǵarylǵan jáne ornalastyrylǵan Aksıalardyń jalpy sanynyń 5%-na deıingini (610 119 493 dana kóleminde) quraıdy. IPO ótkizilgennen keıin Qor aksıalardyń jalpy sanynyń keminde 85%-na ıelik etedi.
- QMG usynys sheńberinde jańa Aksıalardy ornalastyrýdy (satýdy) josparlamaıdy jáne IPO-nyń nátıjesinde Qor aksıalardy satýdan aqshalaı qarajat almaıdy.
- Usynys maqsattary úshin bir aksıanyń baǵasy shamamen 5,1 trıllıon teńge mólsherinde kapıtaldandyrýdy boljaı otyryp, 8 406 teńgeni quraıdy.
- Aksıalardy «KMG» saýda kody (tıkeri) bar AIX-tiń resmı tizimine engizý 2022 jylǵy 7 jeltoqsanda kútiledi, al AIX-te saýda-sattyqqa ruqsat 2022 jylǵy 8 jeltoqsannan bastap kútiledi.
- QMG-nyń jaı aksıalary «KMGZ» saýda kody bar KASE lıstıńine engizilgen.
- QMG-nyń aǵymdaǵy aksıonerleri – Qazaqstan Respýblıkasynyń Qory men Ulttyq Banki úshin IPO ótkizilgennen keıin – Aksıalardy satýǵa nemese ózge de ıelikten shyǵarýǵa 180 kúndik tyıym salynatyn bolady (árbir jaǵdaıda belgili bir jalpy qabyldanǵan ereksheliktermen).
- Investorlardyń ótinimderin qabyldaý 2022 jylǵy 9 qarashada (Astana q.) ýaqyty boıynsha saǵat 12:00-de bastalady jáne ınstıtýsıonaldyq ınvestorlar úshin 2022 jylǵy 30 qarashada saǵat 18:00-de, al bólshek ınvestorlar úshin 2022 jylǵy 2 jeltoqsanda (Astana q.) ýaqyty boıynsha saǵat 15:00-de aıaqtalady.
- QMG jáne Qor ókilderiniń qatysýymen roýdshoýdy 2022 jylǵy 9 qarashadan bastap nemese osy kúnge jaqyn ýaqytta ótkizý josparlanýda.
- Usynystyń birlesken úılestirýshileri men býkrannerleri «BCC Invest» AQ, «Frıdom Fınans» AQ, «Halyk Finance» AQ jáne «SkyBridge Invest» AQ.
- QMG Usynystyń maqsatynda 2022 jyly 7 qarasha AIX maquldaǵan Prospektini aǵylshyn tilinde ázirledi. QMG Prospektini qazaq jáne orys tilderine aýdardy. Kez kelgen kúmán týyndaǵan jaǵdaıda, aǵylshyn tilindegi Prospektiniń nusqasyn basshylyqqa alý kerek. Prospekt aǵylshyn, qazaq jáne orys tilderinde QMG-nyń (www.kmg.kz) jáne Qordyń (www.sk.kz) veb-saıttarynda tanysý úshin qoljetimdi.
