19 mamyrda "QazMunaiGaz" UK AQ Basqarma tóraǵasy Ashat Hasenov Shell kontserni barlaý jáne óndirý bólimshesiniń basshysy Piter Kostellomen kezdesti. Kezdesýde transulttyq kontserniniń Qazaqstandaǵy Soltústik Kaspii jáne Qarashyǵanaq jobalary baǵytyndaǵy qazirgi jumystary talqylandy, dep habarlaidy Dalanews.kz ulttyq kompaniia baspasóz qyzmetine silteme jasai otyryp.
QMG baspasóz qyzmetiniń málimetinshe, 2025 jyldyń 4 aidyń qorytyndysy boiynsha Qashaǵan ken ornynda QMG úlesin qosqanda 6 mln 118 myń tonna munai óndirildi. 2025 jylǵa josparlanǵan óndirý kólemi 17,8 mln tonnany quraidy. Máselen, 2024 jyly bul ken ornynan 17,4 mln tonna munai óndirilse, 2023 jyly bul kólem 18,8 mln tonnany, 2022 jyly — 12,7 mln tonnany qurady. 2024 jyldyń sońynda NCOC 2025-2026 jyldary iske asyrylmaq Qashaǵandaǵy táýligine óndireletin munai kólemin 370 myń barrelden 450 myń barrelge (57,24 myń tonna) deiin ulǵaitýdy qarastyratyn jobany usyndy. Kelisimshart 2041 jylǵa deiin jaramdy.
Óz kezinde Hasenov ken ornynyń zor áleýetin eskere otyryp, jobanyń barlyq qatysýshylaryn elishilik qundylyqty damytýǵa jáne qazaqstandyq qamtý úlesin arttyrýǵa basa nazar aýdara otyryp, Qashaǵandy tolyq igerý josparyn oryndaýdyń mańyzyn atap ótti.
Qarashyǵanaq ken ornynda QazMunaiGaz úlesin qosa alǵanda, óndirý kólemi 2025 jylǵy 4 aida 3,8 mln tonna munaidy qurap, jospar asyra oryndaldy. Biyl Qarashyǵanaqta 11,14 mln tonna munai jáne 25,57 mlrd tekshe metr gaz óndirý josparlanǵan. QMG Qarashyǵanaq jobasyndaǵy seriktes retinde osy ken ornynda qýaty jylyna 4,5 mlrd tekshe metr bolatyn Gaz óńdeý zaýytynyń qurylysy boiynsha oń dinamikanyń joqtyǵyna alańdaýshylyq bildirdi.
Taraptar qazaqstandyq kadrlardyń biliktiligin arttyrý jáne damytý máselelerin, atap aitqanda QazMunaiGaz mamandaryn "Qarashyǵanaq Petroleým Opereiting B.V." kompaniiasyna jiberýdi qarastyrdy.
Sonymen qatar kezdesýde jer qoinaýyn geologiialyq zertteý boiynsha yntymaqtastyq ornatý máselesi sóz boldy. QazMunaiGaz geologiialyq barlaý jobalaryna investitsiia tartý maqsatynda 2024 jyly jahandyq roýd-shoý ótkizdi. Óz kezeginde Shell birneshe perspektivaly ýchaskege qyzyǵýshylyq tanytty.
Kompaniialar arasynda ortaq geologiialyq barlaý jumystaryn josparlaý úshin seismikalyq zertteýlerdiń nátijesin tiimdi paidalanýǵa múmkindik beretin kelisim jasaldy. Atap aitqanda, qazirgi ýaqytta Shell Aqtóbe oblysynda ornalasqan "Muǵaljar" jobasynyń áleýetin birlesip zertteýge qatysyp jatyr.
"QazMunaiGaz Qazaqstandaǵy birlesken investitsiialyq jobalardy qosa alǵanda, ózara is-qimyldyń jańa formattaryna árqashan ashyq. Biz uzaq merzimdi strategiiamyzdy iske asyrý aiasynda Shell kompaniiasyn basym seriktes retinde qarastyramyz", - dedi Ashat Hasenov.
Buǵan deiin saitymyzda "Álemdik naryqta munai baǵasy quldyraýda: QMG esh saspaitynyn aitty" degen maqala jariialanǵan bolatyn.
