«QazMaqta» maqtaraldyq sharýalardyń qaryzyn tolyqtai qaitardy
2017 jyldyń 15 jeltoqsanynda «QazMaqta» AQ-na maqta shikizatyn ótkizip, qarjysyn ala almai júrgen bir top sharýalar Maqtaral aýdany ákimdigine aryzdanyp kelgen bolatyn. Aýdan ákimi Ǵ.Ismailov pen tiisti sala jetekshileri sharýalardyń ótinishin tyńdap, olarǵa tiisti qujattardy quqyq qorǵaý organdaryna tapsyrý qajettiligi túsindirilgen.
Kóterilgen máseleniń sheshimin tabý uzaqqa sozylǵandyqtan 2018 jyldyń 2 aqpanynda AIIB-ne sharýalar tarapynan túsken aryzdyń negizinde «QazMaqta» AQ-na qatysty QR QK-niń 190 baby, 4-bóliginiń 2 tarmaǵymen qylmystyq is qozǵalyp, jedel tergeý toby qurylyp, zań talaptaryna sáikes jumystar júrgizildi. Daýly máselege oblys ákimi J.Túimebaev pen oblys prokýrory N.Ábdirov aralasyp, jaǵdaidy óz baqylaýlaryna alǵan bolatyn. Osylaisha tiisti jumystardy júrgizý barysynda 15 aqpanda sharýalardyń 60 mln teńgesi tólense, 20 naýryzda korporatsiia qyzmetkerleriniń 28,7 mln teńge jalaqylary berildi.
Korporatsiia maqtasyn ótkizip qarjysyn ala almai júrgen sharýalarǵa 21 naýryz kúni 150 mln teńge kólemindegi qarjyny qaitarsa, qalǵan 44 sharýanyń qarjysyn 5 sáýir kúni tolyǵymen berdi. Qazirgi tańda kásiporyn sharýalarǵa bereshek jalpy 353 mln teńge qaryzyn 100 paiyz tóledi. Sharýalar máseleniń sheshilýnie tikelei yqpal etken oblys ákimi J.Túimebaev pen oblys prokýrory N.Ábdirovqa óz rizashylyqtaryn bildirýde.
https://dalanews.kz/32728
