2017 جىلدىڭ 15 جەلتوقسانىندا «قازماقتا» اق-نا ماقتا شيكىزاتىن وتكىزىپ، قارجىسىن الا الماي جۇرگەن ءبىر توپ شارۋالار ماقتارال اۋدانى اكىمدىگىنە ارىزدانىپ كەلگەن بولاتىن. اۋدان اكىمى ع.يسمايلوۆ پەن ءتيىستى سالا جەتەكشىلەرى شارۋالاردىڭ ءوتىنىشىن تىڭداپ، ولارعا ءتيىستى قۇجاتتاردى قۇقىق قورعاۋ ورگاندارىنا تاپسىرۋ قاجەتتىلىگى تۇسىندىرىلگەن.
كوتەرىلگەن ماسەلەنىڭ شەشىمىن تابۋ ۇزاققا سوزىلعاندىقتان 2018 جىلدىڭ 2 اقپانىندا اىىب-نە شارۋالار تاراپىنان تۇسكەن ارىزدىڭ نەگىزىندە «قازماقتا» اق-نا قاتىستى ق ر قك-نىڭ 190 بابى، 4-بولىگىنىڭ 2 تارماعىمەن قىلمىستىق ءىس قوزعالىپ، جەدەل تەرگەۋ توبى قۇرىلىپ، زاڭ تالاپتارىنا سايكەس جۇمىستار جۇرگىزىلدى. داۋلى ماسەلەگە وبلىس اكىمى ج.تۇيمەبايەۆ پەن وبلىس پروكۋرورى ن.ءابدىروۆ ارالاسىپ، جاعدايدى ءوز باقىلاۋلارىنا العان بولاتىن. وسىلايشا ءتيىستى جۇمىستاردى جۇرگىزۋ بارىسىندا 15 اقپاندا شارۋالاردىڭ 60 ملن تەڭگەسى تولەنسە، 20 ناۋرىزدا كورپوراسيا قىزمەتكەرلەرىنىڭ 28،7 ملن تەڭگە جالاقىلارى بەرىلدى.
كورپوراسيا ماقتاسىن وتكىزىپ قارجىسىن الا الماي جۇرگەن شارۋالارعا 21 ناۋرىز كۇنى 150 ملن تەڭگە كولەمىندەگى قارجىنى قايتارسا، قالعان 44 شارۋانىڭ قارجىسىن 5 ءساۋىر كۇنى تولىعىمەن بەردى. قازىرگى تاڭدا كاسىپورىن شارۋالارعا بەرەشەك جالپى 353 ملن تەڭگە قارىزىن 100 پايىز تولەدى. شارۋالار ماسەلەنىڭ شەشىلۋنىە تىكەلەي ىقپال ەتكەن وبلىس اكىمى ج.تۇيمەبايەۆ پەن وبلىس پروكۋرورى ن.ءابدىروۆقا ءوز ريزاشىلىقتارىن بىلدىرۋدە.
https://dalanews.kz/32728
