Túrkistan oblysy Qazynashylyq departamentinde 15 jyl jumys istegen tájiribieli qyzmetker óńirde zańsyz, qylmystyq qujattar jasalǵanyn aitty, - dep habarlaidy Dalanews.kz.
Qyzmetkerdiń sózinshe, ol zańsyz, qylmystyq qujattardy ótkizýden bas tartqannan keiin departament basshysy Lázzat Shókeeva tarapynan qýdalaýǵa ushyraǵan.
Onyń aitýynsha, Túrkistan oblysynyń ákimdigi Qańtar oqiǵasynan keiin memleketten 36 milliard teńge alǵan.
"Ákimdik "jańyltpash" hat jazǵan. Túrkistan oblysynda Qańtar oqiǵasy kezinde eshnárse buzylmasa da tótenshe jaǵdai dep maýsymda, iaǵni Qańtar oqiǵasynan keiin alty aidan soń hat jazylǵan. Ákimdik "Qańtar oqiǵasynyń saldarynan bolǵan zalaldardy óteýge" dep bir hat jazyp, 36 milliard soma aldy", - deidi qyzmetker Aigúl Orynbekke bergen suhbatynda.
Onyń sózinshe, jk qarjy eks-ákim Ómirzaq Shókeevtiń qaýlysymen Bilim basqarmasyna berilgen.
"Al biýdjet kodeksine sáikes, tótenshe jaǵdai úshin aqsha bólinse, ol qarjy tek sol maqsatta jumsalýy kerek. Antikor, quzyrly organdar osyny kóre tura úndemei otyrǵanymen qoimai, Túrkistan oblysynyń prokýratýrasy men bergen qujattyń bárin joǵaltyp alǵan. Qujattardyń túpnusqasy mende bar", - deidi qyzmetker.
"Sonda qazirgi tańda óńirde bilim basqarmasynda býhgalterler arqyly jelinip jatqan milliardtar solar ǵoi. Nege býhgalterler aqshany jep ketti desek..", - deidi Aigúl Orynbek.
