Qazynashylyq komitetinen 70 rásimdik buzýshylyq pen 15 júieli kemshilik anyqtaldy. Saldarynan biýdjettiń yqtimal shyǵyndary 124 mlrd teńgeden asty, dep habarlaidy Dalanews.kz.
Qazynashylyq komitetiniń qyzmetine aýdit júrgizgen Joǵary aýditorlyq palata osyndai qorytyndyǵa kelip otyr.
"Qazynashylyq komiteti Biýdjet kodeksiniń normalaryn buza otyryp, 2021-2023 jyldardyń jekelegen ailarynda emissiialyq baǵaly qaǵazdardy bastapqyda josparlanǵan kólemnen artyq shyǵarǵan. Al respýblikalyq biýdjettiń qolma-qol aqshany baqylaý shotyndaǵy qarajat qaldyǵynyń boljamy oń bolǵan. Bul 124 mlrd teńgeden astam biýdjettiń yqtimal shyǵyndaryna ákeldi", delingen JAP baspasóz qyzmetiniń 3 jeltoqsanda taratqan habarlamasynda.
Máselen, qazynashylyq organdarynyń aǵymdaǵy baqylaýy rastaityn qujattyń bar-joǵy turǵysynan ǵana júrgiziledi. Bul jerde onyń zańnamada belgilengen nysanǵa sáikestigi, sondai-aq avtorlyq jáne tehnikalyq qadaǵalaýlardy rastaý týraly belginiń bar-joǵy tekserilmeidi.
Mysaly, Almaty qalasynyń Qazynashylyq departamenti ákimshilik ǵimarattardyń birin rekonstrýktsiialaý sheńberinde 2,5 mlrd teńgeni quraityn oryndalǵan jumystardyń quny týraly sol bir anyqtama boiynsha jalpy somasy 3,7 mlrd teńgege eki ret tólem júrgizgen. Mundai jaǵdailar birneshe ret qaitalanǵan.
Sonymen qatar Joǵary aýditorlyq palata tóraǵasy avanstyq tólemderge bailanysty máselelerge nazar aýdardy. Máselen, aýmaqtyq qazynashylyq organdary biýdjet zańnamasynyń normalaryn buza otyryp, ótken jyldardaǵy avanstyń ótelmegen somasy bola tura, sondai-aq buryn tólengen avanstardy proportsionaldy ustap qalmai, jańa avanstardy tóleýge berilgen shottardy oryndaǵan.
Álihan Smaiylov biýdjet zańnamasynyń talaptaryn buzatyn tólemderdi júrgizý múmkindigin avtomatty túrde buǵattaý úshin ortalyq qazynashylyq apparaty qoldanystaǵy aqparattyq júieni pysyqtaýy qajet ekenin atap ótti.
Sonymen qatar birqatar sebep boiynsha biýdjet qarajatynyń maqsatqa sai paidalanylýyn, memlekettik jobalarǵa qatysýshylardyń salyqtar men biýdjetke tólenetin basqa da tólemderdi tóleý tolyqtyǵyn baqylaýdy árdaiym qamtamasyz ete almaityn qazynashylyq súiemeldeý júiesine de qatysty kóptegen suraq týyndady.
"Máselen, jobalardy qazynashylyq súiemeldeý sheńberinde qosalqy merdigerler úshin memlekettik satyp alý shottaryn ashý memlekettik kirister organdary júrgizgen táýekelderdi taldaý nátijelerin únemi eskere bermeili. Bul jobalarǵa josyqsyz qosalqy merdigerlerdiń qatysýyna ákep soǵýy múmkin. Sonymen qatar memlekettik satyp alý shottarynan tólemderdi aqshany túpkilikti alýshylardyń bank shottaryna aýdarýdy aýmaqtyq qazynashylyq organdary olardyń taýarlardy, jumysty nemese kórsetiletin qyzmetterdi óndirýshi mártebesin rastamai júzege asyrǵan", delingen qorytyndy qujatta.
Beiindi memlekettik organdar da qazynashylyq súiemeldeýdi engizý maqsattaryna qol jetkizýge monitoring pen taldaý júrgizbeidi.
Jalpy, júrgizilgen memlekettik aýdit nátijeleri boiynsha:
- 70 rásimdik buzýshylyq jáne 15 júieli kemshilik anyqtaldy;
- biýdjettiń yqtimal shyǵyndary 124 mlrd teńgeden asty.
Joǵary aýditorlyq palata barlyq anyqtalǵan kemshilik pen buzýshylyqty joiý úshin tiisti tapsyrmalar men usynymdar berdi.
Bul jumys nátijeleri elektrondy túrde tirkele otyryp baqylanatyn bolady.
