Qazyǵurt aýdanynda shaǵyn jáne orta bıznes salasyn damytý úshin ótken jyly jalpy 65 joba iske asyrylǵan.
– Bıyl 26,7 mlrd teńgege 12 jobany iske asyrýdy josparlap otyrmyz. Olardyń qatarynda Shanaq aýyldyq okrýginde quny 23,8 mlrd teńgeni quraıtyn jalpy qýattylyǵy 50 MVt kún elektr stansıasyn salý kózdelýde. Qazirgi tańda jer máselesi tolyq sheshilip, ınvestorlarmen memorandým túzilgen.
Budan bólek, 25 jańa jumys ornymen quny 1,1 mlrd teńge quraıtyn mal soıý beketin salý qarastyrylýda. Onyń jalpy qýattylyǵy jylyna 10 myń bas iri qara mal.
Sonymen qatar, «Yntymaq» óndiristik kásiporny tarapynan qýattylyǵy 1,3 MVt sý elektr stansıasy salynyp jatyr. Ol bıyl qyrkúıek aıynda paıdalanýǵa beriledi. Odan bólek, ótken jyly negizgi kapıtalǵa baǵyttalǵan ınvestısıa kólemi 23,1 mlrd teńgege, al aýyl sharýashylyǵy salasynyń ónim kólemi 66,7 mlrd teńgege jetti, – dedi Azızhan Ázimhanuly.
Sonymen qatar, Memleket basshysynyń «Aýyl amanaty» jobasy aıasynda aýdanda Sharbulaq jáne Shanaq aýyldyq okrýgteri pılottyq rejımde iske asyrylýda. Atap aıtsaq, Sharbulaq aýyly okrýginde sútti baǵytta, al Shanaq aýyly okrýginde etti baǵyttaǵy jobalar qolǵa alynǵan.
Sondaı-aq, Memleket basshysynyń 10 myń turǵynǵa 100 turaqty jumys ornyn qurý týraly tapsyrmasy boıynsha aýdanda 2022 jyldyń qorytyndysymen 1 421 jańa jumys orny qurylyp, jyldyq jospar 2 esege artyq oryndalǵan. Al, bıyl 1 152 jańa jumys oryndaryn qurý josparlanyp, 3 aıdyń qorytyndysymen 309 jańa jumys orny ashylyp otyr.
Aıta keteıik, 2022 jyldyń qorytyndysymen aýdanda jalpy 62 eldi mekenniń 59-y aýyz sý qubyrymen, 49-y tabıǵı gaz júıesimen, 98,4 paıyzy ortalyqtandyrǵan elektr jelisimen qamtylǵan. Sondaı-aq, 28 aýdandyq mańyzy bar jáne ishki joldarǵa orta jóndeý jumystary júrgizilgen.
