قازىعۇرت اۋدانىندا شاعىن جانە ورتا بيزنەس سالاسىن دامىتۋ ءۇشىن وتكەن جىلى جالپى 65 جوبا ىسكە اسىرىلعان.
– بيىل 26،7 ملرد تەڭگەگە 12 جوبانى ىسكە اسىرۋدى جوسپارلاپ وتىرمىز. ولاردىڭ قاتارىندا شاناق اۋىلدىق وكرۋگىندە قۇنى 23،8 ملرد تەڭگەنى قۇرايتىن جالپى قۋاتتىلىعى 50 مۆت كۇن ەلەكتر ستانسياسىن سالۋ كوزدەلۋدە. قازىرگى تاڭدا جەر ماسەلەسى تولىق شەشىلىپ، ينۆەستورلارمەن مەموراندۋم تۇزىلگەن.
بۇدان بولەك، 25 جاڭا جۇمىس ورنىمەن قۇنى 1،1 ملرد تەڭگە قۇرايتىن مال سويۋ بەكەتىن سالۋ قاراستىرىلۋدا. ونىڭ جالپى قۋاتتىلىعى جىلىنا 10 مىڭ باس ءىرى قارا مال.
سونىمەن قاتار، «ىنتىماق» وندىرىستىك كاسىپورنى تاراپىنان قۋاتتىلىعى 1،3 مۆت سۋ ەلەكتر ستانسياسى سالىنىپ جاتىر. ول بيىل قىركۇيەك ايىندا پايدالانۋعا بەرىلەدى. ودان بولەك، وتكەن جىلى نەگىزگى كاپيتالعا باعىتتالعان ينۆەستيسيا كولەمى 23،1 ملرد تەڭگەگە، ال اۋىل شارۋاشىلىعى سالاسىنىڭ ءونىم كولەمى 66،7 ملرد تەڭگەگە جەتتى، – دەدى ازيزحان ءازىمحان ۇلى.
سونىمەن قاتار، مەملەكەت باسشىسىنىڭ «اۋىل اماناتى» جوباسى اياسىندا اۋداندا شاربۇلاق جانە شاناق اۋىلدىق وكرۋگتەرى پيلوتتىق رەجيمدە ىسكە اسىرىلۋدا. اتاپ ايتساق، شاربۇلاق اۋىلى وكرۋگىندە ءسۇتتى باعىتتا، ال شاناق اۋىلى وكرۋگىندە ەتتى باعىتتاعى جوبالار قولعا الىنعان.
سونداي-اق، مەملەكەت باسشىسىنىڭ 10 مىڭ تۇرعىنعا 100 تۇراقتى جۇمىس ورنىن قۇرۋ تۋرالى تاپسىرماسى بويىنشا اۋداندا 2022 جىلدىڭ قورىتىندىسىمەن 1 421 جاڭا جۇمىس ورنى قۇرىلىپ، جىلدىق جوسپار 2 ەسەگە ارتىق ورىندالعان. ال، بيىل 1 152 جاڭا جۇمىس ورىندارىن قۇرۋ جوسپارلانىپ، 3 ايدىڭ قورىتىندىسىمەن 309 جاڭا جۇمىس ورنى اشىلىپ وتىر.
ايتا كەتەيىك، 2022 جىلدىڭ قورىتىندىسىمەن اۋداندا جالپى 62 ەلدى مەكەننىڭ 59-ى اۋىز سۋ قۇبىرىمەن، 49-ى تابيعي گاز جۇيەسىمەن، 98،4 پايىزى ورتالىقتاندىرعان ەلەكتر جەلىسىمەن قامتىلعان. سونداي-اق، 28 اۋداندىق ماڭىزى بار جانە ىشكى جولدارعا ورتا جوندەۋ جۇمىستارى جۇرگىزىلگەن.
