"Asa kóp aqsha, asa kúshti bilikti halyq jeńýge bolatynyn búgin kórdim. Halyq qandai kúshti ekendigin sezdirip shydady. Mońǵoldar oiandy qura qura qural!"
Bul keshegi ekinshi qaita sailaýda jeńiske jetken mońǵol palýany, Haltmanyń uly Battýlǵanyń sózi. Shyńǵys qaǵanǵa arnalǵan osynaý alyp eskertkishti osy Battýlǵa óz qarajatymen, káristiń asa sapaly quryshymen turǵyzǵan. Jeńis qutty bolsyn! Battýlǵa demokratiia qarlyǵashy!" – deidi Mońǵoliiada týyp-ósken qazaq aqyny.
Al biz bolsaq "Shyńǵyshan mońǵol emes, qazaq..." dep bitpes daýdyń sońynda júrmiz. Arydaǵy Shyńǵyshandy aitpaǵan kúnniń ózinde beridegi Qazaq handyǵynyń irgetasyn qalaǵan Jánibek pen Kereige jóndemdi eskertkish turǵyza almai júrgenimizde, tarihshylardyń Shyńǵyshanda nesi bar? Anaý bir jyly Astanada Jánibek pen Kereidiń eskertikishin kórnekti jerge qoia almai biraz daýlasqanymyz jáne ber. Eger qoǵam tarapynan úlken qarsylyq bolmaǵanda Qazaq handyǵynyń negizin qalaǵan handardyń eskertkishi qala syrtynda qalar ma edi, kim bilsin? Tegeýrindi kúrestiń arqasynda qos han Astanadan oryn tapqanyn halyq umyta qoiǵan joq.
Ulty men tilinen jerigen bizdiń kásipkerler Kóktóbeniń tóbesine "Bitlz" tobyna eskertkish ornatyp maqtanǵanyn bilemiz. Al ózderiniń ata-babalaryna eskertkish qoiamyz dep bastama kóterseń, tappai qalasyń.
Nurlan JUMAHAN
