Atyraýdaǵy qandy oqiǵaǵa qatysty Aqbaian Muqanǵalievanyń týystary onyń qazirgi jaǵdaiy týraly aitty, dep habarlaidy dalanews.kz.
Qarabalinder áýletiniń týysy Farizat Kenjeǵalievanyń sózinshe, Aqbaian jaqyndarymen ázirge kezdese almai otyr. Onyń aitýynsha, oǵan eshkimdi kirgizbeidi.
"Áke-sheshem aýylda" dep aitady deidi. Aqbaianǵa múldem kirgizbeidi. Eshkimdi kirgizbeidi. Sot bitken soń sóilesetin bolarmyz. Tiri ekenine shúkir etip otyrmyz", – deidi Farizat Kenjeǵalieva.
Tergeý kezinde Aqbaian Muqanǵalieva óziniń aty-jónin, týǵan kúni men týǵan jerin aitqan. Sondai-aq orta bilimi baryn jáne qazir jumys istemeitinin jetkizgen. Alaida ózge suraqtarǵa jaýap bere almaǵandyqtan, tergeýshi jaýap alý protsesin toqtatqan.
Týystary Aqbaianmen sot aiaqtalǵannan keiin kezdesemiz dep úmittenip otyr.
Aita keteiik, Kursiv Media videosy Atyraý oblysy Jangeldin aýylynda túsirilgen.
